Join with Health.com.kh on Telegram

​នេះ​ជាការ​ជំរុញ​ទឹកចិត្ត​ដ៏​ល្អ ដើម្បី​ក្រោកឈរ និង​ផ្លាស់​ទីលំនៅ​កាន់តែច្រើន​។ ការសិក្សា​ថ្មី​មួយ​ដែល​ត្រូវបាន​ចេញផ្សាយ​នៅក្នុង​ទស្សនា​វ​ដ្តី​សរសៃប្រសាទ​បាន​រកឃើញ​ថា​អ្នក​ដែល​មិនមាន​សកម្មភាព​រាង​កា​យ​នៅ​ពាក់កណ្តាល​ជីវិត​មាន​ខួរក្បាល​ខ្សោយ​ជាង​មិត្ត របស់​ពួកគេ​នៅ ២០ ឆ្នាំក្រោយ​។​

​នៅក្នុង​ការស្រាវជ្រាវ​ថ្មី​អ្នកស្រាវជ្រាវ​បាន​មើល​ទៅលើ​បុរស និង​ស្ត្រី ១.៥៨៣​នាក់ ដែល​មិនមាន​ជំងឺ​វង្វេង ឬ​ជំងឺ​បេះដូង គឺ ពួកគេ​បានធ្វើការ​លើ​ម៉ាស៊ីន​ហាត់ប្រាណ ដើម្បី​វាយតម្លៃ​ពី​កម្រិត​កាយសម្បទា​របស់​ពួកគេ​។ បន្ទាប់មក ២០​ឆ្នាំ​ក្រោយមក ប្រជាជន​នៅក្នុង​ការស្រាវជ្រាវ​បានធ្វើ​តេ​ស្តិ៍​ហាត់ប្រាណ​លើ​ម៉ាស៊ីន​ហាត់ប្រាណ​មួយទៀត និង​មានការ​ស្កេ​ន​ខួរក្បាល​។

​ការ​ស្កេ​ន​ខួរក្បាល​បាន​បង្ហាញថា មនុស្ស​ដែលមាន​សមត្ថភាព ធ្វើ​លំ​ហាត់ប្រាណ​ទាប​បាន​កំណត់ថា​ចំនួន​ពេលវេលា​ដែល​មនុស្ស​អាច​ហាត់ប្រាណ​លើ​ម៉ាស៊ីន​ហាត់ប្រាណ​មុនពេល​ចង្វាក់បេះដូង​ឈានដល់​កម្រិត​ជាក់លាក់​មួយ​ពោល គឺ​នៅ​ពាក់កណ្តាល​ជីវិត​ទំនង​ជាមាន​ខួរក្បាល​ខ្សោយ​ជាង​ពេល​ក្រោយ បើ​ប្រៀបធៀប​នឹង​មនុស្ស​ដែល​ធ្លាប់​ហាត់ប្រាណ​កម្រិត​ខ្ពស់​នៅ​វ័យ​កណ្តាល​។ ពួកគេ​ក៏បាន​រកឃើញថា​អ្នក​ដែលមាន​សម្ពាធ​ឈាម​និង​ចង្វាក់បេះដូង​កើនឡើង​ខ្លាំង​អំឡុងពេល​ហាត់ប្រាណ​ទំនងជា​មាន​ខួរក្បាល​ខ្សោយ​ជាង​មុន​។

​សម្ពាធ​ឈាម​ខ្ពស់ជាង​កម្រិត​មធ្យម និង​ចង្វាក់បេះដូង​លោត​ខ្ពស់ អាច​បង្ហាញ​ពី​កង្វះ​កាយសម្បទា​រឹងមាំ​។​

​មនុស្ស​នៅក្នុង​ការសិក្សា​មានតែ​ការ​ស្កេ​ន​ខួរក្បាល​នៅ​ចុងបញ្ចប់​នៃ​ការសាកល្បង​ដែល​មានន័យថា​អ្នកស្រាវជ្រាវ​មិនអាច​និយាយបានថា​តើ​ខួរក្បាល​របស់​ពួកគេ​ខ្សោយ​ឬ​ឈ្លៀសវៃ ជាង​មុន ឫ​យ៉ាងណា​។ ប៉ុន្តែ​ការស្រាវជ្រាវ​កន្លងមក​បាន​បង្ហាញថា​ការធ្វើ​លំ​ហាត់ប្រាណ​ធ្វើឱ្យ​ខួរក្បាល​អាច​ទប់​ទល់នឹង​ការថយចុះ​ការយល់ដឹង​។​

​អ្នកនិពន្ធ​និយាយថា​វា​មិនទាន់​ត្រូវបាន​គេ​ដឹងថា​តើ​ចំណុច​អ្វីខ្លះ​នៅក្នុង​លំ​ហាត់​ជីវិត​គឺមាន​សារៈ​សំខាន់បំផុត​ចំពោះ​បរិមាណ​ខួរក្បាល​៕