ការស្រាវជ្រាវបានបង្ហាញថា ការញ៉ាំប័រដែលធ្វើពីសណ្តែកដីជាទៀងទាត់នៅពេលដែលវ័យជំទង់បានបន្ថយហានិភ័យក្នុងការវិវត្តទៅជាជំងឺដុំសុដន់ប្រភេទស្លូតនៅពេលពេញវ័យ។
ជំងឺដុំសុដន់ប្រភេទស្លូត គឺជាកត្តាហានិភ័យនៃជំងឺមហារីកសុដន់។
វេជ្ជបណ្ឌិត ហ្គ្រាហាម ខូលដីត (Graham Colditz) បាននិយាយថា អ្នកស្រាវជ្រាវបានមើលទៅលើស្ត្រីជាង ៩.០០០នាក់នៅពេលដែលពួកគេមានអាយុចន្លោះពី៩ឆ្នាំ ទៅ១៥ឆ្នាំ។ ការញ៉ាំប័រដែលធ្វើពីសណ្តែកដី៣ថ្ងៃក្នុងមួយសប្តាហ៍បានបន្ថយហានិភ័យក្នុងការវិវត្តទៅជាជំងឺសុដន់ប្រភេទស្លូតបានដល់ទៅ៣៩%។
ខូលដីតបាននិយាយថា ខ្ញុំគិតថា នេះផ្តល់អោយយើងនូវសេចក្តីសង្ឃឹមដែលជាយុទ្ធសាស្ត្រសម្រាប់យើងអាចតាមដានដើម្បីជួយការពារជំងឺមហារីកសុដន់ដែលយើងមិនទាន់កើតមានវានៅឡើយ។
ការស្រាវជ្រាវត្រូវបានចេញផ្សាយនៅក្នុង Breast Cancer Research and Treatment។
ខូលដីតបាននិយាយថា ជំងឺដុំសុដន់ប្រភេទស្លូតគឺកើតមានជាទូទៅ, ហើយវាជាកត្តាហានិភ័យមួយដែលត្រូវបានគេស្គាល់ចំពោះជំងឺមហារីកសុដន់។
គាត់បាននិយាយថា មុននឹងដល់វ័យអស់រដូវ, ប្រហែលម្នាក់ក្នុងចំនោមស្ត្រី៤នាក់មានសាច់ប្រភេទស្លូតដែលត្រូវបានបញ្ជាក់ដោយការច្រិបសាច់សុដន់យកទៅពិនិត្យ។ វាច្បាស់ណាស់ថា វាមានទំនាក់ទំនងគ្នាយ៉ាងខ្លាំងរវាងសាច់ប្រភេទស្លូត និងហានិភ័យនៃជំងឺមហារីកសុដន់។
ដោយយោងទៅតាមប្រភេទស្លូតនៃសាច់, ជំងឺដុំសុដន់ប្រភេទស្លូតអាចបង្កើនហានិភ័យនៃជំងឺមហារីកសុដន់ដល់ទៅ៣ដង។
អ្នកចូលរួមនៅក្នុងការស្រាវជ្រាវគឺជាផ្នែកនៃការស្រាវជ្រាវរយៈពេលយូរនៅលើឥទ្ធិពលសុខភាពនៃចំណីអាហារ និងលំហាត់ប្រាណចំពោះមនុស្សវ័យក្មេង។ ពួកគេបានបំពេញសំណួរអំពីចំណីអាហារប្រចាំឆ្នាំរបស់ពួកគេ។ ពួកគេក៏បានប្រាប់ថាតើពួកគេត្រូវបានធ្វើរោគវិនិច្ឆ័យថាមានជំងឺដុំសុដន់ប្រភេទស្លូតឬយ៉ាងណា។ សរុបទាំងអស់, ស្ត្រី១១២នាក់បាននិយាយថា ពួកគេមានជំងឺនេះ។
អ្នកស្រាវជ្រាវបានមើលទៅលើអាហារដែលមាន បន្លែ ប្រូតេអ៊ីន, ខ្លាញ់ បន្ទាប់មកបានសំដៅទៅលើអាហារបុគ្គលរួមមាន ប័រដែលធ្វើពីសណ្តែក និងពោតជាដើម។
ការញ៉ាំអាហារទាំងនេះត្រូវបានផ្សារភ្ជាប់ទៅនឹងការថយចុះហានិភ័យនៃជំងឺដុំសុដន់ប្រភេទស្លូតដល់ទៅ៦៨%។ នៅអាយុ១៤ឆ្នាំ, ការញ៉ាំអាហារទាំងនេះត្រូវបានផ្សារភ្ជាប់ទៅនឹងការថយចុះហានិភ័យនៃជំងឺដុំសុដន់ប្រភេទស្លូតដល់ទៅ៦៦%, និងក្មេងស្រីដែលញ៉ាំប័រដែលធ្វើពីសណ្តែកដីគឺមានការថយចុះហានិភ័យដល់ទៅ៣៩%។
គាត់បាននិយាយថា វាអាចមកពីប្រូតេអ៊ីន។ នៅក្នុងការស្រាវជ្រាវពីមុន, អ្នកស្រាវជ្រាវបានមើលទៅលើកត្តាដទៃទៀតនៃអាហារដូចជា ការញ៉ាំទឹកដោះគោ និងតួនាទីរបស់ពួកគេនៅក្នុងសុខភាពសុដន់។ គាត់បាននិយាយថា ប័រដែលធ្វើពីសណ្តែកដីគឺខ្លាំងនៅពេលដែលវាត្រូវបានគេគិតទៅក្នុងចំណីអាហារដែលផ្តល់នូវសុខភាពនោះ។
វេជ្ជបណ្ឌិត ស្តេវិន ឆេន (Steven Chen) ជាសាស្ត្រាចារ្យខាងផ្នែកជំងឺសុដន់ និងវះកាត់ជំងឺនៃក្រពេញបាននិយាយថា នៅពេលដែលការថយចុះជំងឺដុំសុដន់ប្រភេទស្លូតបន្ថយហានិភ័យនៃជំងឺមហារីកសុដន់, មានកត្តាដទៃទៀតជាច្រើននៃជំងឺមហារីកសុដន់ក្រៅពីជំងឺដុំសុដន់ប្រភេទស្លូតនោះ។
វានៅតែជារឿងល្អដើម្បីបន្ថយហានិភ័យនៃជំងឺមហារីកប្រសិនបើអ្នកអាច៕