បុរសដែលនៅស្រួលពេក ប្រឈមមុខខ្ពស់នឹងហានិភ័យនៃការកើតមានដុំសាច់នៅនឹងពោះវៀនធំ ទោះបីជាបុរសទាំងនេះបានប្រើពេលវេលាដ៏ខ្លីក្នុងការធ្វើសកម្មភាពមួយចំនួនដូចជា ការដើរ ឬការរត់តិចៗក៏ដោយ។
អ្នកស្រាវជ្រាវបាននិយាយថា នេះបង្ហាញថា ការមិនធ្វើសកម្មភាពយូរ គឺជាកត្តាហានិភ័យនៃការដុះសាច់នៅពោះវៀន ដែលជាដុំសាច់ប្រភេទស្លូតដែលអាចនាំអោយទៅជាជំងឺមហារីកពោះវៀនធំ។
ដុំសាច់នេះអាចត្រូវបានកាត់ចោលក្រោយពីត្រូវបានកំណត់អំឡុងពេលនៃការតាមដានជំងឺមហារីកពោះវៀនធំ-រន្ធគូថ ដូចជាការឆ្លុះពោះវៀនធំជាដើម។
ទោះជាយ៉ាងណាក៏ដោយ, ការកើតមាននៃដុំសាច់នេះ ហាក់ដូចជាកើតមានខ្ពស់ក្នុងចំនោមបុរស (ប៉ុន្តែមិនលើស្ត្រីនោះទេ) ដែលមិនសូវជាធ្វើសកម្មភាព។ អ្នកស្រាវជ្រាវបានមើលទៅលើកម្រិតនៃសកម្មភាពក្នុងចំនោមបុរស និងស្ត្រីជាង១.៧០០នាក់ ហើយបានរកឃើញថា កាលបើបុរសកាន់តែនៅស្ងៀម, ហានិភ័យនៃការដុះសាច់កាន់តែច្រើនដែរ។
បុរសដែលចំណាយពេលច្រើនជាង១១ម៉ោងក្នុងមួយថ្ងៃក្នុងការអង្គុយ ដូចជាអង្គុយក្នុងការសរសេរ ឬអាន ហាក់ដូចជាវិវត្តទៅជាការដុះដុំសាច់នេះ៤៥%ច្រើនជាងអ្នកដែលចំនាយពេលតិចជាង៧ម៉ោងក្នុងមួយថ្ងៃ។
គ្រីស្ទីន សាដូ ម៉ូលម៉េនទី (Christine Sardo Molmenti) ដែលមកពីសាកលវិទ្យាល័យ Columbia បាននិយាយថា ភាពស្រណុកសុខស្រួលហាក់ដូចជាហានិភ័យដែលធ្វើអោយសុខភាពចុះខ្សោយ៕