Join with Health.com.kh on Telegram

​មនុស្ស​ជាច្រើន​ធ្វើដំណើរ​ទៅកាន់​តំបន់​ផ្សេងៗ​នៃ​ពិភពលោក​សម្រាប់​ការព្យាបាល​វេជ្ជសាស្ត្រ​។ ប៉ុន្តែ “​ទេសចរណ៍​វ៉ាក់សាំង​” សម្រាប់​ការចាក់​វ៉ាក់សាំង​កូ​វីដ​-១៩ គឺជា​គំនិត​ថ្មី​មួយ​។​

​ទេសចរណ៍​វ៉ាក់សាំង​មានន័យថា ទៅលេង​ប្រទេស ឬ​រដ្ឋ​មួយ​ផ្សេងទៀត ដើម្បី​ចាក់​វ៉ាក់សាំង ដែល​មិនមាន​សម្រាប់​អ្នក​នៅផ្ទះ​។ ឥលូវ​នេះ​ទេសចរណ៍​វ៉ាក់សាំង សំដៅ​ដល់​វ៉ាក់សាំង​កូ​វីដ​-១៩ ដែលមាន​ការផ្សព្វផ្សាយ​យឺត​នៅតាម​រដ្ឋ​ជាច្រើន​ហើយ​មិនទាន់​មាននៅ​ទូទាំង​ពិភពលោក​នៅឡើយ​។

​នៅ​សហរដ្ឋអាមេរិក​និង​ប្រទេស​ដទៃទៀត​ដែលមាន​វ៉ាក់សាំង​ប្រជាជន​មួយចំនួន​កំពុង​ទទួលបាន​អាទិភាព​ដូចជា​មនុស្ស​ចាស់ និង​បុគ្គលិក​ថែទាំ​សុខភាព​។
​ប៉ុន្តែ​មនុស្ស​មួយចំនួន​ដែល​មិន​ស្ថិតក្នុង​ក្រុម​ទាំងនេះ ត្រូវបាន​គេ​រាយការណ៍​ថា​កំពុងតែ​ធ្វើដំណើរ​ទៅ​កន្លែង​ផ្សេង ដើម្បី​ទទួល​ការចាក់​វ៉ាក់សាំង​។

​នៅក្នុង​ខែធ្នូ ទីភ្នាក់ងារ​ទេសចរណ៍​ឥណ្ឌា (​ដែល​អះអាងថា​បង្កើត​ឃ្លា​ទេសចរណ៍​វ៉ាក់សាំង​) បាន​ប្រាប់​កាសែត ThePrint ថា​ពួកគេ​កំពុង “​ចុះឈ្មោះ​ជនជាតិ​ឥណ្ឌា ដោយមាន​ទិដ្ឋាការ​អាមេរិក​១០​ឆ្នាំ​ត្រឹមត្រូវ​” សម្រាប់​កញ្ចប់​វ៉ាក់សាំង COVID-១៩ របស់​ពួកគេ ដោយ​ការធ្វើដំណើរ​រយៈពេល ៤ ថ្ងៃ ពី​ទីក្រុង​បុ​ម​បៃ​ទៅ​ទីក្រុង​ញូវយ៉ក ដោយ​រួមបញ្ចូល​ទាំង​ការចាក់​ថ្នាំ​ការពារ​មេរោគ​ផងដែរ​។ ចុះ​តម្លៃ​? បើតាម NBC News បាន​រាយការណ៍​ថា​ប្រហែល ២.០០០​ដុល្លារ​។
​ភ្នាក់ងារទេសចរណ៍​ផ្សេងទៀត នៅក្នុង​ប្រទេស​ឥណ្ឌា បានបញ្ជាក់​ប្រាប់ ThePrint ថា​ពួកគេ​កំពុង បង្កើត​កញ្ចប់​ដំណើរ​ទេសចរណ៍​ស្រដៀង​គ្នា​ទៅនឹង សហរដ្ឋអាមេរិក ចក្រភព​អង់គ្លេស និង​រុស្ស៊ី ដើម្បី​ទទួលបាន​ការចាក់​វ៉ាក់សាំង​កូ​វីដ​-១៩ នេះ​៕​