Join with Health.com.kh on Telegram

​រដ្ឋាភិបាល​ថៃ នៅ​ថ្ងៃ​ព្រហស្បតិ៍​នេះ បាន​រាយការណ៍​ករណី​ថ្មី នៃ Covid-19 ចំនួន ៧៥៦ ករណី ដែល​ការឆ្លង​មេរោគ​ក្នុងស្រុក​ចំនួន ៧៤៦ ករណី និង​ការ​នាំចូល​ចំនួន ១០ ករណី នាំឱ្យ​ចំនួន​អ្នក​ឆ្លង​មេរោគ​នេះ សរុប​កើន​ឡើងដល់ ១៦,២២១​ករណី ។​

​ជំនួយការ​អ្នកនាំពាក្យ​មជ្ឈមណ្ឌល​សម្រាប់​រដ្ឋបាល​ស្ថានភាព Cov-១៩ បាន​និយាយថា មាន​ករណី​ថ្មី​ចំនួន ៧២៤ ត្រូវបាន​រកឃើញ​តាមរយៈ​ការស្វែងរក​ករណី​សកម្ម​នៅក្នុង​សហគមន៍ និង ២២ ករណី​ផ្សេងទៀត ត្រូវបាន​បញ្ជាក់​នៅ​មន្ទីរពេទ្យ​។

​ករណី​ថ្មី​ទាំង ៧២៤ ដែល​ត្រូវបាន​រកឃើញ​ជាមួយនឹង​ការស្វែងរក​ករណី​សកម្ម គឺ​នៅក្នុង​ខេត្ត​សាមុត​សា​ខន រួមមាន ពលករ​ចំណាកស្រុក​ចំនួន ៧១០ នាក់​និង​ជនជាតិ​ថៃ ១៤ នាក់​។​

​ដោយឡែក ករណី​ទាំង ២២ ផ្សេងទៀត ដែល​ត្រូវបាន​រកឃើញ​នៅ​មន្ទីរពេទ្យ​រួមមាន ៩ ករណី​នៅ​សាមុត​សា​ខន​, ៨ ករណី​នៅ​បាងកក និង ៣ ករណី​នៅ​សាមុត​ប្រា​កាន​។

​ចំណែក ករណី​នាំចូល​ទាំង ១០ នោះ គឺ​មកពី​ប្រទេស​ព័រទុយហ្កាល់ ១, រុស្ស៊ី ២, ឥណ្ឌូណេស៊ី ១, កាតា ១, និង​សហរដ្ឋអាមេរិក ៥៕​