​ការស្រាវជ្រាវ​ថ្មី​មួយ​បាន​បង្ហាញថា បុរស​វ័យ​ចំណាស់​ដែល​ចំណាយ​ពេល​ច្រើន​ក្នុងការ​អង្គុយ ហាក់ដូចជា​ងាយ​ប្រឈមមុខ​នឹង​ជំងឺខ្សោយបេះដូង​។​

​ការស្រាវជ្រាវ​បាន​មើល​ទៅលើ​បុរស​ជាង​៨២.០០០​នាក់​ដែល​មាន​អាយុ​ចន្លោះ​ពី​៤៥​ឆ្នាំ ទៅ​៦៩​ឆ្នាំ​។ អ្នកស្រាវជ្រាវ​បាន​ធ្វើ​សេចក្តីរាយការណ៍​ថា អ្នក​ដែល​បាន​ចំណាយពេល​ច្រើន​ក្នុង​ជីវិត​ស្រណុក​ស្រួល​មិន​ធ្វើ​អ្វី​នោះ ទោះបីជា​ពួកគេ​បាន​ធ្វើ​លំ​ហាត់ប្រាណ​ក៏ដោយ ក៏​មាន​ហានិភ័យ​ខ្ពស់​ក្នុង​ការកើតមាន​ជំងឺខ្សោយបេះដូង​ផងដែរ​។​

​ដេ​បូរ៉ា រ៉ូម​យ៉ាំង (Deborah Rohm Young) បាន​និយាយថា បុរស​ដែល​បាន​ធ្វើ​លំ​ហាត់ប្រាណ​តិច ហាក់ដូចជា​វិវត្ត​ទៅ​ជា​ជំងឺខ្សោយបេះដូង មាន​៥២%​ច្រើន​ជាង​បុរស​ដែល​បាន​ធ្វើ​លំ​ហាត់ប្រាណ​ច្រើន​។​

Young បាន​និយាយថា អ្នក​ដែល​បាន​ចំណាយពេល​តិចជាង​៥​ម៉ោង​ក្នុង​មួយថ្ងៃ​ក្នុង​ការ​អង្គុយ ហាក់ដូចជា​ង​បាន​វិវត្ត​ទៅ​ជា​ជំងឺខ្សោយបេះដូង​៣៤%​ច្រើន​ជាង​អ្នក​ដែល​បាន​ចំណាយ​ពេល​អង្គុយ​តិចជាង​២​ម៉ោង​ក្នុង​មួយថ្ងៃ​។ ការស្រាវជ្រាវ​ត្រូវ​បាន​ចេញផ្សាយ​នៅក្នុង​កាសែត Circulation: Heart Failure​។​

Young បាន​និយាយថា យើង​បាន​មើល​ពី​ព័ត៌មាន​លើ​សំណួរ​អំពី​ការធ្វើ​លំ​ហាត់ប្រាណ និង​ពេល​នៃ​ការ​អង្គុយ​។ កម្រិត​នៃ​ការធ្វើ​លំ​ហាត់ប្រាណ​របស់​ពួកគេ​ត្រូវបាន​គណនា​ក្នុង​មធ្យោបាយ​ដែល​បញ្ជាក់​ថា​តើ​ថាមពល​ប៉ុណ្ណា​ដែល​ខ្លួន​បាន​ប្រើ​។ អ្នកស្រាវជ្រាវ​ក៏បាន​ប្រាប់​ថា​តើ​ប៉ុន្មាន​ម៉ោង​ក្នុង​មួយ​ថ្ងៃ​ដែល​បុរស​ស្ថិតនៅ​ក្នុង​សភាព​ស្រួល​មិន​ធ្វើ​អ្វី​ទាំងអស់នោះ​។​

Young បាន​ពន្យល់ថា អ្នក​ដែល​បាន​ធ្វើ​លំ​ហាត់ប្រាណ​តិច និង​អ្នក​ដែល​បាន​អង្គុយ​ច្រើន និង​ធ្វើ​លំ​ហាត់ប្រាណ​តិច​នោះ ហាក់ដូចជា​កើតមាន​ជំងឺ​បេះដូង​ទ្វេដង បើ​ធៀប​ទៅ​នឹង​អ្នក​ដែល​ធ្វើ​លំ​ហាត់ប្រាណ​ខ្លាំង និង​មិន​សូវ​ជា​មាន​ពេល​ច្រើន​ក្នុង​ការ​អង្គុយ​នោះ​។​

Young បាន​និយាយថា ជំងឺ​បេះដូង​គឺជា​អសមត្ថភាព​នៃ​សាច់ដុំ​បេះដូង​ដើម្បី​ច្របាច់​ឈាម​ទៅកាន់​ផ្នែក​ផ្សេងៗ​នៃ​ខ្លួន​អោយមាន​ប្រសិទ្ធភាព​។ វា​បាន​ប៉ះពាល់​លើ​ជនជាតិ​អាមេរិក ៥,៧​លាន​នាក់ ដែល​ភាគច្រើន​គឺជា​មនុស្ស​វ័យ​ចំណាស់​។ ប្រហែល​ជិត​២០%​នៃ​មនុស្ស​ពេញវ័យ​នឹង​ត្រូវបាន​គេ​ធ្វើ​រោគវិនិច្ឆ័យ​ឃើញ​នៃ​ជំងឺ​នេះ​អំឡុងពេល​នៃ​ជីវិត​របស់​ពួកគេ​, នេះ​ដោយ​យោង​តាម​សមាគមន៍​ជំងឺ​បេះដូង​អាមេរិក (American Heart Association)​។​

​វា​ប៉ះពាល់​លើ​មនុស្ស​ជាច្រើន​នាក់​។ ចំពោះ​អ្នក​ដែល​មាន​ជំងឺខ្សោយបេះដូង​, ប្រហែល​ជា​ពាក់កណ្តាល​នឹង​ស្លាប់​អំឡុងពេល​៥​ឆ្នាំ​នៃ​ការធ្វើ​រោគវិនិច្ឆ័យ​។ Young បាន​លើកឡើង​ថា ការប្តូរ​សរីរៈ​បេះដូង​គឺជា​រឿង​កម្រ ហើយ​ភាគច្រើន​ជាមួយនឹង​បញ្ហា​នេះ​ត្រូវបាន​គ្រប់គ្រង​ដោយ​ការប្រើ​ថ្នាំ​។ ប៉ុន្តែ​វា​ត្រូវ​បាន​ផ្សារភ្ជាប់​ជាមួយនឹង​ការថយចុះ​គុណភាព​នៃ​ជីវិត​។​

​វេជ្ជបណ្ឌិត ឈី​ប ឡា​វី (Chip Lavie) ដែល​មក​ពី​វិទ្យាស្ថាន​ជំងឺ​បេះដូង និង​សរសៃឈាម John Ochsner (John Ochsner Heart and Vascular Institute) បាន​និយាយថា នេះ​គឺជា​ក្រដាស​ដ៏​ស្អាត​មួយ​ដែល​បាន​បង្ហាញ​ពី​អត្ថប្រយោជន៍​នៃ​ការធ្វើ​លំ​ហាត់ប្រាណ​ដើម្បី​បន្ថយ​ហានិភ័យ​នៃ​ជំងឺខ្សោយបេះដូង​។​

​ការស្រាវជ្រាវ​ជា​ច្រើន​បានបង្ហាញ​ថា ភាពរឹងមាំ​នៃ​បេះដូង និង​ផ្លូវដង្ហើម​ថយចុះ គឺ​ប្រហែល​ជា​កត្តា​ហានិភ័យ​នៃ​ជំងឺ​សរសៃឈាម​បេះដូង​ធំ​បំផុត​។ Lavie បាន​និយាយថា ប្រហែល​ជា​អ្នក​ដែល​ផ្តល់អោយ​មាន​ភាពរឹងមាំ​នៃ​បេះដូង និង​ផ្លូវដង្ហើម​គឺ ការធ្វើ​លំ​ហាត់ប្រាណ​ទៀងទាត់ ប៉ុន្តែ​វា​ក៏​មាន​ការចូលរួម​ពី​សេនេទិច​ផងដែរ​។ ប្រសិនបើ​មនុស្ស​ពីរ​នាក់​បាន​ធ្វើ​លំ​ហាត់ប្រាណ​យ៉ាងពិត​ប្រាក​ក្នុង​បរិមាណ​ដូចគ្នា​, ម្នាក់​អាច​នឹង​មាន​ភាពប្រសើរ​ឡើង​ជាង នេះ​ដោយសារ​តែ​សមត្ថភាព​ពី​ធម្មជាតិ និង​សេនេទិច​របស់​ពួកគេ​៕