ការស្រាវជ្រាវធំមួយបានរកឃើញថា អ្នកជំងឺគាំងបេះដូងហាក់ដូចជាងាយស្លាប់ប្រសិនបើពួកគេបានមកដល់មន្ទីរពេទ្យនៅពេលយប់ ឬនៅថ្ងៃចុងសប្តាហ៍។
វេជ្ជបណ្ឌិត ហេនរី ថីង (Henry Ting) ដែលមកពី Mayo Clinic បានវិភាគលើការស្រាវជ្រាវ៤៨ ដែលរួមមានអ្នកជំងឺសរុបជិត ១,៩លាននាក់ដើម្បីវាយតម្លៃពីរបៀបដែលបានមកដល់មន្ទីរពេទ្យអំឡុងពេលយប់ និងចុងសប្តាហ៍ដែលត្រូវបានទាក់ទងនឹងហានិភ័យនៃការស្លាប់របស់អ្នកជំងឺដែលគាំងបេះដូង។
អ្នកស្រាវជ្រាវបានសរុបថា អ្នកជំងឺគាំងបេះដូងដែលបានមកដល់មន្ទីរពេទ្យអំឡុងពេលម៉ោងមិនធ្វើការ មានការកើនឡើងហានិភ័យនៃការស្លាប់៥%នៅក្នុងមន្ទីរពេទ្យ និង៣០ថ្ងៃក្រោយចេញពីមន្ទីរពេទ្យជាងអ្នកដែលបានមើលដល់មន្ទីរពេទ្យអំឡុងពេលម៉ោងទូទៅ។
អ្នកស្រាវជ្រាវបាននិយាយថា ការស្រាវជ្រាវថ្ងៃក្រោយចាំបាច់ដើម្បីពិនិត្យលើកត្តាដែលបណ្តាលអោយមានភាពខុសប្លែកគ្នាចំពោះកម្រិតនៃការថែទាំអំឡុងពេលម៉ោងធ្វើការ និងម៉ោងឈប់សម្រាក ដូចជាចំនួននៃបុគ្គលិក និងកម្រិតនៃអ្នកជំនាញ។
អ្នកជំងឺដែលបានមកដល់មន្ទីរពេទ្យអំឡុងពេលម៉ោងឈប់សម្រាក, ការពន្យារនៃការសង្គ្រោះភ្លាមៗ និងលទ្ធផលអាក្រក់បំផុតហាក់ដូចជាមានការកើនឡើង។
គ្រូពេទ្យបានសរសេរថា មន្ទីរពេទ្យដែលកំពុងតែស្វែងរកអោយមានភាពប្រសើរឡើងដល់ការថែទាំអ្នកជំងឺគាំងបេះដូង គួរតែគិតទៅរកភាពប្រសើរឡើងលើការព្យាបាលអ្នកជំងឺនៅម៉ោងឈប់សម្រាក, ជាមួយនឹងគោលដៅនៃការផ្តល់នូវគុណភាពខ្ពស់២៤ម៉ោងក្នុងមួយថ្ងៃ និង៧ថ្ងៃក្នុងមួយសប្តាហ៍៕