Join with Health.com.kh on Telegram

​ដោយយោង​តាម​ការស្រាវជ្រាវ​ដ៏​ធំ​មួយ​បាន​លើកឡើង​ថា មាន​ការបង្ហាញ​តិចតួច​ដែល​ថ្នាំ​គ្រាប់​វីតាមីន D បង្ហាញថា​មាន​ប្រយោជន៍​ដល់​សុខភាព និង​ការស្រាវជ្រាវ​ដទៃទៀត​ហាក់ដូចជា​មិន​មាន​ការប្រែប្រួល​ខុសគ្នា​នោះទេ​។​

​អ្នកស្រាវជ្រាវ​បាន​និយាយថា ថ្នាំ​គ្រាប់​វីតាមីន D ត្រូវបាន​ប្រើ​ដោយ​ជនជាតិ​អាមេរិក​ជិត​ពាក់កណ្តាល​។​

​អ្នកស្រាវជ្រាវ​បាន​វិភាគ​លើ​ការស្រាវជ្រាវ​៤០ និង​បាន​កំណត់​ថា ការប្រើ​ថ្នាំ​គ្រាប់​វីតាមីន D មិន​បន្ថយ​ហានិភ័យ​នៃ​ការ​គាំងបេះដូង​, ជំងឺ​ដាច់​សរសៃឈាម​ខួរក្បាល​, ជំងឺមហារីក និង​ការ​បាក់ឆ្អឹង​ចំពោះ​មនុស្ស​ទូទៅ​នោះ​ទេ​។​

​វេជ្ជបណ្ឌិត ម៉ាក ប៊ូ​លេន (Mark Bolland) ដែល​មកពី​សាកលវិទ្យាល័យ Auckland បាន​និយាយថា លទ្ធផល​នេះ​បង្ហាញថា ថ្នាំ​គ្រាប់​វីតាមីន D ហាក់ដូចជា​ផ្តល់នូវ​អត្ថប្រយោជន៍​ដល់​សុខភាព​តិច​។​

​ការស្រាវជ្រាវ​ត្រូវ​បាន​ចេញផ្សាយ​នៅ​ក្នុង The Lancet Diabetes & Endocrinology​។​

​សាស្ត្រាចារ្យ ខា​ល មី​ឃើ​ល​សាន់ (Karl Michaelsson) ដែល​មកពី​សាកលវិទ្យាល័យ Uppsala បាន​និយាយថា ប្រសិនបើ​មិន​ប្រើ​លើ​អ្នក​ដែល​មាន​ការខ្វះ​វីតាមីន D ទេនោះ​, វា​មាន​ការព្រួយបារម្ភ​ខ្លាំង​ថា ការប្រើ​ថ្នាំ​គ្រាប់​វីតាមីន D ពិតជា​អាច​បណ្តាលអោយ​ប៉ះពាល់​មែន​។​

​ការស្រាវជ្រាវ​ពីមុន​បានបង្ហាញ​ថា កង្វះ​វីតាមីន D ត្រូវ​បាន​ផ្សារភ្ជាប់​ជាមួយនឹង​ការ​ចុះខ្សោយ​នៃ​សុខភាព និង​ឆាប់​ស្លាប់​មុន​អាយុ​។ ប៉ុន្តែ​ការស្រាវជ្រាវ​ថ្មីៗ​នេះ​បាន​បង្ហាញថា កម្រិត​ទាប​នៃ​វីតាមីន D គឺជា​លទ្ធផល​ដែល​មិន​បណ្តាល ឬ​ធ្វើអោយ​ចុះ​ខ្សោយ​ដល់​សុខភាព​នោះឡើយ​៕