ការស្រាវជ្រាវថ្មីមួយបានបង្ហាញថា ការប៉ះពាល់រយៈពេលយូរនៃការហឺតខ្យល់ពុលបានបង្កើនហានិភ័យនៃការគាំងបេះដូង និងជំងឺស្ទះសរសៃឈាមបេះដូង ដែលធ្វើអោយមានការឈឺទ្រូងគួបផ្សំជាមួយនឹងជំងឺបេះដូង។
ខ្យល់ពុលត្រូវបានបង្កើតឡើងនៃកម្ទេចកម្ទីតូចៗដែលអាចចូលយ៉ាងងាយស្រួលទៅក្នុងសួត។
ចំពោះការស្រាវជ្រាវ, អ្នកស្រាវជ្រាវបានវិភាគលើមនុស្សជាង១០០.០០០នាក់នៅក្នុងអឺរ៉ុបដែលមិនមានប្រវត្តិនៃជំងឺបេះដូងនោះទេ ហើយត្រូវបានតាមដានអស់រយៈពេលជាមធ្យម១១,៥ឆ្នាំ។ អំឡុងពេលនៃការតាមដាន, អ្នកចូលរួមជាង៥.១០០នាក់មានបញ្ហានៃសរសៃឈាមបេះដូងដូចជា ការគាំងបេះដូង ឬការឈឺទ្រូង។
ក្រោយពីមើលពីកត្តាហានិភ័យទូទៅដូចជា ការជក់បារី និងបញ្ហាសុខភាពដទៃទៀត, អ្នកស្រាវជ្រាវបានសរុបថា កម្ទេចកម្ទីតូចៗត្រូវបានផ្សារភ្ជាប់ទៅនឹងការកើនឡើងហានិភ័យនៃជំងឺសរសៃឈាមបេះដូងនោះ។
ការស្រាវជ្រាវត្រូវបានចេញផ្សាយនៅក្នុង BMJ។
ហ្គីឡា សេហ្សារ៉ូនី (Giulia Cesaroni) បាននិយាយថា ការស្រាវជ្រាវរបស់យើងបានបង្ហាញពីការផ្សារភ្ជាប់គ្នារវាងការប៉ះពាល់រយៈពេលយូរនៃកម្ទេចកម្ទីតូចៗ និងអត្រាកើតមានថ្មីនៃជំងឺសរសៃឈាមបេះដូង។
អ្នកស្រាវជ្រាវបានបន្ថែមថា ការស្រាវជ្រាវរបស់យើងបានគាំទ្រអោយមានការបន្ថយចំនួនមេរោគនៅក្នុងខ្យល់ពុលអោយបានទាបដើម្បីការពារសុខភាពសាធារណៈ។
វាត្រូវបានគេជឿជាក់ថា ខ្យល់ពុលបណ្តាលអោយមនុស្ស៣,២លាននាក់បានស្លាប់នៅក្នុងពិភពលោកក្នុងមួយឆ្នាំៗ៕