ការទទួលទានទឹកផ្លែឈើ គឺជាមធ្យោបាយដ៏ល្អមួយក្នុងការបញ្ចូលផ្លែឈើ និងបន្លែ ដែលមានសុខភាពល្អទៅក្នុងជីវិតប្រចាំថ្ងៃរបស់អ្នក។ ទាំងនេះ ជារូបមន្តសម្រាប់ទឹក ៥ មុខ ដែលសំបូរទៅដោយវីតាមីនសំខាន់ៗ ដែលអាចជួយបង្កើនសុខភាពទូទៅរបស់អ្នក។
១. ទឹកការ៉ុត
ដោយសារតែវាមានកម្រិតកាល់ឡូរីខ្ពស់ និងពោរពេញដោយជាតិសរសៃ ទឹកការ៉ុតត្រូវបានចាត់ទុក ជាគ្រឿងផ្សំធម្មជាតិដែលល្អសម្រាប់ការសម្រកទម្ងន់ លាងសម្អាតជាតិពុលចេញពីរាងកាយ និងសម្បូរទៅដោយវីតាមីន A និង E ។
២. ទឹកត្រសក់
ដោយសារតែវាមានកម្រិតកាឡូរីទាប ថែមទាំងមានជាតិទឹកខ្ពស់ និងជាតិសរសៃខ្ពស់ ទឹកត្រសក់អាចធ្វើឲ្យអ្នកងាយឆ្អែត ដែលអាចជួយកាត់បន្ថយការញ៉ាំអាហារ។
៣. ទឹកម្នាស់
អង់ស៊ីមដែលនៅក្នុងផ្លែម្នាស់អាចជួយការពារប្រឆាំងនឹងការរីកលូតលាស់របស់ដុំសាច់ រួមទាំងជំងឺមហារីកស្បែក។
៤. ទឹកឪឡឹក
ទឹកឪឡឹក មិនត្រឹមតែមានរសជាតិឆ្ងាញ់ ថែមទាំងផ្តល់អត្ថប្រយោជន៍គួរឱ្យភ្ញាក់ផ្អើលសម្រាប់អ្នក ព្រោះវាមានជាតិទឹកច្រើន និងមិនមានជាតិស្ករខ្ពស់ ថែមទាំងអាចបន្ថយហានិភ័យនៃជំងឺមហារីកស្បែក។ ទឹកឪឡឹក ក៏អាចជួយប្រយុទ្ធប្រឆាំងនឹងការខូចថ្លើម និងបង្កើនសុខភាពតម្រងនោម។
៥. ទឹកក្រូច
វាជាប្រភពដ៏ល្អបំផុតនៃវីតាមីន C និងជាតិហ្វូឡាត។ ទឹកក្រូចមានជាតិដែក និងស័ង្កសី ដែលមានសារៈសំខាន់សម្រាប់ពង្រឹងប្រព័ន្ធភាពស៊ាំរបស់រាងកាយ ជួយកាត់បន្ថយហានិភ័យនៃជំងឺអាល្លែកហ្ស៊ី ជួយបង្កើតជាលិកាថ្មី និងកោសិកាឈាមក្រហម ជាពិសេសជាងនេះទៅទៀតនោះ វានមាននាទីក្នុងការបង្កើតសុកចំពោះស្ត្រីមានផ្ទៃពោះផងដែរ។
៦. ទឹកទទឹម
ទឹកផ្លែទទឹម សម្បូរទៅដោយវីតាមីន A C E និងអាស៊ីតហ្វូលិក ដែលអំណោយផលល្អសម្រាប់បេះដូង ដោយការពារដល់ការគាំងបេះដូង និងស្ទះសរសៃឈាមអាទែរ ។ វាក៏ជួយកាត់បន្ថយដំណាក់កាលនៃជំងឺមហារីកសួត បង្កើនសារធាតុអេមូក្លូប៊ីន (Hemoglobin) និងជួយឱ្យអ្នកមិនងាយចាស់៕