Join with Health.com.kh on Telegram

ស្បែកខ្មៅត្រង់កអាចជាបញ្ហាគួរឱ្យអាម៉ាសមួយ ប៉ុន្តែមិនពិបាកដោះស្រាយឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ឈប់បារម្ភទៅ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីរូបមន្តបែបធម្មជាតិងាយៗកម្ចាត់ស្បែកខ្មៅត្រង់ក ៖

១. ទឹកក្រូចឆ្មារស្រស់

អ្នកអាចលាបទឹកក្រូចឆ្មារស្រស់ផ្ទាល់លើស្បែក ឬប្រើប្រាស់បន្ទះក្រូចឆ្មារស្រស់ដុសលើស្បែក។ វិធីនេះនឹងជួយខាត់ស្បែកបែបធម្មជាតិ។ នៅពេលប្រើប្រាស់ទឹកក្រូចឆ្មារស្រស់លើស្បែក អ្នកចាំបាច់ត្រូវចៀសវាងការប៉ះផ្ទាល់នឹងកម្ដៅថ្ងៃ។

២. ទឹកខ្មេះផ្លែប៉ោម

អ្វីដែលអ្នកត្រូវធ្វើ គឺគ្រាន់តែលាយទឹកខ្មេះផ្លែប៉ោម ២ ស្លាបព្រាបាយជាមួយទឹកធម្មតា ៤ ស្លាបព្រាបាយ។ កូរឱ្យសព្វ សឹមប្រើដុំសំឡីជ្រលក់លាបលើស្បែកត្រង់ក។ ទុកចោលសម្រាប់រយៈពេល ១០ នាទី សឹមលាងសម្អាតចេញ។ អនុវត្តជាប្រចាំរហូតទទួលបានលទ្ធផលគាប់ចិត្ត។ កុំភ្លេចប្រើប្រាស់ផលិតផលផ្ដល់សំណើមដល់ស្បែកក្រោយអនុវត្តរូបមន្តនេះ។

៣. ម្សៅ Baking Soda

លាយម្សៅ baking soda ជាមួយទឹកធម្មតារហូតក្លាយជាល្បាយខាប់ក្រាស់។ លាបល្បាយលើក ហើយទុកចោលសម្រាប់រយៈពេល ២០ នាទី ឬរងចាំរហូតដល់ស្ងួតទាំងស្រុង សឹមលាងសម្អាតចេញជាមួយទឹកត្រជាក់។ អនុវត្ត​ឱ្យបានយ៉ាងហោចណាស់ ២ ដងក្នុងមួយសប្តាហ៍។

៤. ត្រសក់

អ្វីដែលអ្នកត្រូវធ្វើ គឺគ្រាន់តែលាបទឹកត្រសក់ស្រស់លើកសម្រាប់រយៈពេលប្រហែល ១០ នាទី សឹមលាងសម្អាតចេញជាមួយទឹកត្រជាក់។ ឬអ្នកអាចលាយទឹកក្រូចឆ្មារស្រស់ជាមួយទឹកស្រស់ក្នុងបរិមាណស្មើគ្នា។ កូរឱ្យសព្វ សឹមប្រើប្រាស់ដុំសំឡីជ្រលក់លាបលើក។ ទុកចោលសម្រាប់រយៈពេល ១០ នាទី សឹមលាងសម្អាតចេញជាមួយទឹកត្រជាក់។

៥. ម៉ាសផ្សំឡើងពីផ្លែឈើ

អ្វីដែលអ្នកត្រូវធ្វើ គឺគ្រាន់តែកិនលាយផ្លែចេកជាមួយផ្លែក្រូច, ផ្លែបឺរ, ផ្លែល្ហុង និងផ្លែប៉ោមចូលគ្នាឱ្យសព្វ។ បន្ទាប់មកលាបល្បាយលើស្បែក-កនិងរងចាំសម្រាប់រយៈពេល ២០នាទី សឹមលាងសម្អាតចេញជាមួយទឹកធម្មតាជាការស្រេច។

៦. ម្សៅ Baking soda

លាយម្សៅ baking soda ជាមួយទឹកធម្មតាឱ្យក្លាយជាល្បាយខាប់ខ្លាំង។ លាបម៉ាស្សាល្បាយលើតំបន់ស្បែកដែលមានបញ្ហាសម្រាប់រយៈពេល ១០ នាទី។ រងចាំសម្រាប់រយៈពេល ១០ នាទីទៀត សឹមលាងសម្អាតចេញជាមួយទឹកក្ដៅឧណ្ហៗ៕