Join with Health.com.kh on Telegram

​នៅ​ថ្ងៃ​អង្គារ​នេះ ប្រទេស​ថៃ​បាន​កត់ត្រា​ករណី​ឆ្លង​វីរុស​កូ​រ៉ូ​ណា ថ្មី​ចំនួន ៩៥៩ ករណី រួមទាំង​ការឆ្លង​ចំនួន ៩១៤ នាក់​នៅ​សាមុត​សា​ខន ដែល​បានប្រកាស​កាលពី​ល្ងាច​ថ្ងៃ​ច័ន្ទ នាំឱ្យ​ចំនួន​អ្នក​ឆ្លង​សរុប​កើន​ដល់ ១៤.៦៤៦ នាក់​។ មិនមាន​សេចក្តីរាយការណ៍​ពី​ការស្លាប់​បន្ថែមទៀត​ទេ​។​

​លោក Taweesilp Visanuyothin អ្នកនាំពាក្យ​មជ្ឈមណ្ឌល​គ្រប់គ្រង​ស្ថានភាព Covid-19 បាន​និយាយថា ចំនួន​ខ្ពស់​នៃ​ករណី​ថ្មី គឺ​មកពី​ការស្វែងរក​ករណី​សកម្ម​កាន់តែខ្លាំង​ឡើង នៅក្នុង​សហគមន៍ ដែល​បាន​រកឃើញ​ការឆ្លង​ចំនួន ៨៤៨ ក្នុង​រយៈពេល ២៤ ម៉ោង​។

​ក្នុងចំណោម​នោះ​មាន ៨៤៤ នាក់​នៅ​ខេត្ត​សាមុត​សា​ខន មាន​ពលករ​ចំណាកស្រុក​ចំនួន ៧៦០ នាក់ និង​ជនជាតិ​ថៃ ៨៤ នាក់ រួមជាមួយ​ជនជាតិ​ថៃ​នៅ​ទីក្រុង​បាងកក ៤ នាក់​។​

​ករណី​ថ្មី​ត្រូវបាន​បញ្ជាក់​នៅ​មន្ទីរពេទ្យ​មាន​ចំនួន ៨៩ នាក់​ក្នុងនោះ ៧០ នៅ​សាមុត​សាខុន និង ១៧ ករណី​នៅ​បាងកក​។

​ករណី​នាំចូល​ថ្មី​ចំនួន ២២ ករណី ត្រូវ​បានដាក់​ដាច់ដោយឡែក គឺ​មកពី​ប្រទេស​ឥណ្ឌូនេស៊ី ចំនួន​១, ឥណ្ឌា ២, មី​យ៉ាន់​ម៉ា ៣, ស៊ូដង់ ២, ប៉ា​គី​ស្ថាន ១, ចក្រភព​អង់គ្លេស ៦, នេ​ប៉ាល់ ១, ចិន​១, សហរដ្ឋអាមេរិក ៣, ដា​ណឺ​ម៉ាក ១ និង​រុស្ស៊ី ១៕​