ប្រព័ន្ធទឹករងៃ គឺទទួលខុសត្រូវសម្រាប់ការបំលាស់សារធាតុរាវក្នុងរាងកាយ ដូច្នេះរាល់កាកសំណល់ដែលបានប្រមូលផ្ដុំនឹងត្រូវកម្ចាត់ចេញ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) វាក៏ជាប្រព័ន្ធមួយដែលទទួលខុសត្រូវចំពោះការរក្សាឱ្យបាននូវសុខភាពល្អប្រសើររបស់សរីរាង្គ ក៏ដូចជារាល់កោសិកាក្នុងរាងកាយ។ ជាទូទៅនៅពេលប្រព័ន្ធទឹករងៃមានបញ្ហានោះអ្នកអាចនឹងជួបប្រទះអាការៈហើម ឡើងរោលកន្ទួលក្រហមលើស្បែក ឈឺដៃជើង ហើមសុដន់អំឡុងពេលមករដូវ និងសូម្បីតែបញ្ហាកកជាតិខ្លាញ់ក្រោមស្បែក ឬជំងឺ cellulite។ ទោះជាយ៉ាងណាកុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗជួយរក្សាសុខភាពប្រព័ន្ធទឹករងៃ ៖
១. រក្សាឱ្យបាននូវជាតិទឹកគ្រប់គ្រាន់ក្នុងរាងកាយ
ប្រសិនបើអ្នកចង់រក្សាបានដំណើរការមុខងារនៃប្រព័ន្ធទឹករងៃត្រឹមត្រូវ អ្នកចាំបាច់ត្រូវទទួលទានទឹកឱ្យបានច្រើនគ្រប់គ្រាន់ជាប្រចាំ។ ទោះជាយ៉ាងណាដើម្បីជាការប្រសើរ ចូរជ្រើសរើសទទួលទានទឹកក្ដៅឧណ្ហៗ។ នេះក៏ព្រោះតែទឹកក្ដៅឧណ្ហៗនឹងជួយពង្រីកកោសិកាដើម្បីអាចស្រូបយកជាតិទឹកបានកាន់តែច្រើននៅរាល់ពេលអ្នកទទួលទាន។
២. ទទួលទានគ្រាប់ធញ្ញជាតិនិងគ្រាប់ពូជ
ទាំងគ្រាប់ធញ្ញជាតិនិងគ្រាប់ពូជ គឺសុទ្ធតែជាប្រភពដ៏ល្អបំផុតនៃអាស៊ីតខ្លាញ់អូមេហ្កា ៣ និងអូមេហ្កា ៦ ដែលទទួលខុសត្រូវសម្រាប់ទប់ស្កាត់ការរលាកក្នុងរាងកាយ។ អាស៊ីតខ្លាញ់ទាំងនេះក៏ធ្វើឱ្យដំណើរការមុខងារនៃប្រព័ន្ធទឹករងៃកាន់តែប្រសើរឡើង។ ជាលទ្ធផលរាល់កាកសំណល់ក្នុងរាងកាយនូវត្រូវបានកម្ចាត់ចេញយ៉ាងឆាប់រហ័ស។ បន្ថែមពីនេះគ្រាប់ធញ្ញជាតិនិងគ្រាប់ពូជក៏មានផ្ទុកសម្បូរទៅដោយជាតិសសៃ វីតាមីន និងជាតិរ៉ែដែលជួយបន្សាបជាតិពុលពីក្នុងប្រព័ន្ធទឹករងៃផងដែរ។
៣. ធ្វើលំហាត់ប្រាណឱ្យបានទៀងទាត់
ប្រសិនបើអ្នកចង់ឱ្យប្រព័ន្ធទឹករងៃកាន់តែមានលក្ខណៈប្រសើរឡើង អ្នកចាំបាច់ត្រូវធ្វើលំហាត់ប្រាណឱ្យបានទៀងទាត់។ លំហាត់ប្រាណក៏ធ្វើឱ្យអ្នកបែកញើសដែលជាវិធីដ៏ងាយបំផុតមួយដើម្បីបន្សាបជាតិពុល៕