ការស្រាវជ្រាវថ្មីមួយបានរកឃើញថា ព្រឹត្តិការណ៍ស្ត្រេសអាចមានផលប៉ះពាល់ភ្លាមៗភាគច្រើនលើសុខភាពកុមារ។
ការស្រាវជ្រាវពីមុនបានបង្ហាញថា ព្រឹត្តិការណ៍ស្ត្រេសនៅកុមារភាពបង្កើនហានិភ័យនៃបញ្ហាសុខភាពនាពេលពេញវ័យ ប៉ុន្តែការស្រាវជ្រាវនេះបានបង្ហាញថា ផលវិបាកទាំងនេះអាចកើតមានឆាប់ៗ។
អ្នកស្រាវជ្រាវដែលមកពីសាកលវិទ្យាល័យ Florida បានវិភាគលើកុមារជិត៩៦.០០០នាក់ក្នុងសហរដ្ឋអាមេរិក។ អ្នកស្រាវជ្រាវបានប្រមូលព័ត៌មានទាក់ទងអំពីសុខភាពកុមារ និងស្ថានភាពស្ត្រេសដែលពួកគេបានជួប ដូចជាការលែងលះរបស់ឪពុកម្តាយ, ការមានអំពើហិង្សា និងជម្លោះអ្នកជីតខាង, មានស្ថានភាពគ្រួសារលំបាក, ឪពុក ឬម្តាយមានបញ្ហាសុខភាពផ្លូវចិត្ត, ញៀនថ្នាំ និងឪពុក ឬម្តាយស្ថិតនៅក្នុងពន្ធធនាគារ។
អ្នកស្រាវជ្រាវក៏បានរកឃើញថា កុមារដែលបានជួបព្រឹត្តិការណ៍ស្ត្រេសលើសពី៣ដង គឺមាន៦ដងហាក់ដូចជាមានបញ្ហារាងកាយ និងផ្លូវចិត្ត ឬមានជំងឺនៃការរៀនជាងអ្នកដែលមិនធ្លាប់ជួបព្រឹត្តិការណ៍ស្ត្រេសសោះ។
កុមារដែលមានចំនួននៃការជួបព្រឹត្តិការណ៍នោះច្រើនបំផុត មានឪកាសខ្ពស់នៃការមានបញ្ហាសុខភាពច្រើន។
អ្នកស្រាវជ្រាវបាននិយាយថា ស្ត្រេសរ៉ាំរ៉ៃអាចបណ្តាលអោយមានការផ្លាស់ប្តូរការលូតលាស់នៃប្រព័ន្ធអង់ដីគ្រីនរបស់កុមារ និងប្រព័ន្ធភាពស៊ាំដែលនាំអោយមានការគ្រប់គ្រងចុះខ្សោយនៃការឆ្លើយតបនឹងស្ត្រេស ហើយបន្ថយសមត្ថភាពដើម្បីធន់នឹងជំងឺ។
មេលីសា ប្រាយ (Melissa Bright) បាននិយាយថា ប្រសិនបើនេះគឺជាករណី, វាអាចទៅរួចដើម្បីកំណត់ការប្រែប្រួលភ្លាមៗទាំងនោះ និងព្យាបាលវា ដោយបន្ថយហានិភ័យនៃបញ្ហាសុខភាព។
Bright បាននិយាយថា វាក៏អាចទៅរួចផងដែរដែល កុមារដែលមានបញ្ហាសុខភាពច្រើនជម្រុញអោយមានបញ្ហាសេដ្ឋកិច្ចនៅក្នុងគ្រួសារ, ធ្វើអោយពួកគេវាងនឹងមានបទពិសោធន៍ផ្ទុយទៅវិញ៕