Join with Health.com.kh on Telegram

​ការស្រាវជ្រាវ​ថ្មី​អាច​បន្ថែម​ជំងឺហឺត​ទៅ​ក្នុង​តារាង​នៃ​ទិដ្ឋភាព​អវិជ្ជមាន​នៃ​ការ​កើត​កូន​មិន​គ្រប់​ខែ​។​

​កុមារ​ដែល​កើតមក​មិន​គ្រប់​ខែ​លេចឡើង​នូវ​ហានិភ័យ​ខ្ពស់​នៃ​ជំងឺហឺត និង​ជំងឺ​នៃ​ការពិបាក​ដកដង្ហើម​។​

​វេជ្ជបណ្ឌិត អាស៊ី​ស សី​ក (Aziz Sheikh) បាន​មើល​ទៅលើ​ការស្រាវជ្រាវ​៣០​ដែល​សំដៅ​ទៅលើ​ការផ្សារភ្ជាប់​គ្នា​រវាង​ទារក​ដែល​កើត​មិន​គ្រប់​ខែ ដែល​ត្រូវបាន​គេ​កំណត់​ថា​ការ​មាន​ផ្ទៃពោះ​តិចជាង​៣៧​សប្តាហ៍ និង​ជំងឺហឺត ឬ​ជំងឺ​នៃ​ការពិបាក ដកដង្ហើម​ក្នុងចំនោម​កុមារ​ជាង​១,៥​លាន​នាក់​។​

​អ្នកស្រាវជ្រាវ​បាន​រកឃើញថា កុមារ​កើត​មិន​គ្រប់​ខែ​គឺ​មាន​៧០%​ហាក់ដូច ជា​ងាយ​នឹង​វិវត្ត ទៅ​ជា​ជំងឺហឺត ឬ​ជំងឺ​នៃ​ការពិបាក​ដកដង្ហើម​នា​ពេល​ក្រោយ បើ​ធៀប​ទៅ​នឹង​កុមារ​ដែល​កើត​គ្រប់​ខែ​។ សរុបមក​, ជិត​១៤%​នៃ​ទារ​កកើត​មិន​គ្រប់​ខែ​បាន​វិវត្ត​ទៅ​ជា​ជំងឺហឺត​អំឡុង​ពេល​កុមារភាព ធៀប​ទៅនឹង​៨,៣%​នៃ​កុមារ​ដែល​កើត​គ្រប់​ខែ​។​

​ហានិភ័យ​គឺ​ខ្ពស់​ចំពោះ​ទារក​ដែល​កើត​មិន​គ្រប់​ខែ​ខ្លាំង ដែល​ត្រូវបាន​គេ​កំនត់​លើ​កុមារ​ដែល​មាន​អាយុ​នៅក្នុង​ផ្ទៃ​ម្តាយ​តិចជាង​៣២​សប្តាហ៍​។ កុមារ​ទាំងនេះ​គឺ​មាន​ប្រហែល​៣​ដង​ហាក់ដូចជា​វិវត្ត​ទៅ​ជា​ជំងឺហឺត ឬ​ជំងឺ​នៃ​ការពិបាក​ដកដង្ហើម​ជាង​កុមារ​ដែល​កើត​មក​គ្រប់​ខែ​។​

Sheikh បាន​និយាយថា លើ​ពិភពលោក​, ជាង​១១%​នៃ​ទារក គឺ​កើត​មិន​គ្រប់​ខែ​។​

​គាត់​បាន​បន្តថា នៅពេល​ដែល​ជំងឺហឺត​គឺ​ជា​ជំងឺ​រ៉ាំរ៉ៃ​, ការស្រាវជ្រាវ​របស់​យើង​បាន​សង្កត់ធ្ងន់​នូវ​តម្រូវការ​ដើម្បីអោយ​មាន​ភាពប្រសើរ​ឡើង​នូវ​ការយល់ដឹង​នៃ​ច​លន​ការ​ដែល​មាន​ការផ្សារភ្ជាប់​គ្នា​រវាង ទារក​ដែល​កើត​មិន​គ្រប់​ខែ និង​ជំងឺហឺត ឬ​ជំងឺ​នៃ​ការពិបាក​ដកដង្ហើម​ដើម្បិ​អោយមាន​ការវិវត្ត​នៃ​ការការ​ពារ និង​ការព្យាបាល​។​

​ការស្រាវជ្រាវ​ត្រូវ​បាន​ចេញផ្សាយ​នៅក្នុង​កាសែត PLoS Medicine៕