ការស្រាវជ្រាវថ្មីមួយបានបង្ហាញថា ការវះកាត់សម្រកទម្ងន់អាចបន្ថយអត្រានៃការគាំងបេះដូង និងស្លា់ប់ក្នុងចំនោមអ្នកដែលធាត់។
អ្នកស្រាវជ្រាវនៅក្នុងចក្រភពអង់គ្លេសបាននិយាយថា ការស្រាវជ្រាវរបស់ពួកគេបានបង្ហាញថា មនុស្សធាត់ដែលមានហានិភ័យខ្ពស់ចំពោះជំងឺបេះដូង គួរតែពិចារណាអោយបានម៉ត់ចត់ពីមូលហេតុនៃប្រភេទនៃការសម្រកទម្ងន់។
យើងបានមើលពីលទ្ធផលនៃអ្នកជំងឺដែលបានវះកាត់សម្រកទម្ងន់ និងបានប្រៀបធៀបពួកគេទៅនឹងការបង្ហាញចំពោះមនុស្សធាត់ដែលមិនបានទទួលការវះកាត់។វេជ្ជបណ្ឌិត យូន លូក (Yoon Loke) បាននិយាយថា យើងបានឃើញថា ការវះកាត់ គឺជាយុទ្ធសាស្ត្រសង្គ្រោះ និងអាចបន្ថយហានិភ័យនៃការមានការគាំងបេះដូង និងជំងឺដាច់សរសៃឈាមខួរក្បាលដល់ទៅ៥០%។
អ្នកស្រាវជ្រាវបានពីនិត្យលើការស្រាវជ្រាវ១៤ពីលើកមុនដែលទាក់ទងទៅនឹងអ្នកជំងឺជាង២៩.០០០នាក់ដែលបានវះកាត់សម្រកទម្ងន់។ អាយុជាមធ្យមនៃអ្នកជំងឺគឺ៤៨ឆ្នាំ និង៣០%គឺជាបុរស។ អ្នកចូលរួមត្រូវបានតាមដានពី២ ទៅ១៤ឆ្នាំ។
ការស្រាវជ្រាវបានឃើញថាមានការថយចុះ៤០%ចំពោះអត្រានៃការស្លាប់ក្នុងចំនោមអ្នកជំងឺដែលបានវះកាត់ បើធៀបទៅនឹងអ្នកដែលមិនបានធ្វើការវះកាត់។
Loke បាននិយាយថា ការធាត់គឺជាបញ្ហាមួយលើពិភពលោកជាផលវិបាកលើបុគ្គល និងសង្គម។ វាត្រូវបានផ្សារភ្ជាប់ទៅនឹងជំងឺបេះដូង, ជំងឺទឹកនោមផ្អែមប្រភេទទី២, ជំងឺមហារីកជាច្រើន និង កាត់បន្ថយអាយុជាមធ្យម។
អ្នកស្រាវជ្រាវក៏បានបន្ថែមថា ការស្រាវជ្រាវដ៏ធំ, ការស្រាវជ្រាវដែលមានគុណភាពលើអត្ថប្រយោជន៍ នៃការវះកាត់សម្រកទម្ងន់ គឺជារឿងចាំបាច់។
ការស្រាវជ្រាវត្រូវបានចេញផ្សាយនៅក្នុង International Journal of Cardiology៕