ការស្រាវជ្រាវថ្មីមួយបានបង្ហាញថា ថ្នាំបន្ថយកូឡេស្តេរ៉ុលដែលត្រូវបានគេស្គាល់ថា statins អាចជួយបុរសដែលមានបញ្ហាលិង្គមិនឡើងរឹងអោយទៅជារឹងមាំវិញ។
អ្នកឯកទេសបាននិយាយថា ប៉ុន្តែឥទ្ធិពលជាក់លាក់លេចឡើងថាមានភាពខ្សោយជាងអ្នកដែលប្រើថ្នាំ Viagra នោះទេ។
ការស្រាវជ្រាវបានបង្កើនឪកាសដែលថ្នាំ statin អាចក្លាយជាមានប្រយោជន៍ចំពោះបុរសដែលមានបញ្ហាលិង្គមិនឡើងរឹង។ មនុស្សជាច្រើនបរាជ័យក្នុងការប្រើថ្នាំបន្ថយកូឡេស្តេរ៉ុលដែលអាចបណ្តាលអោយមានផលរំខានដូចជា ការឈឺសន្លាក់ជាដើម។
វេជ្ជបណ្ឌិត ចន កូស្ទី (John Kostis) បាននិយាយថា នេះអាចជាហេតុផលដទៃទៀតដើម្បីមិនបញ្ឈប់ការប្រើថ្នាំ statin។ ទោះជាយ៉ាងណាក៏ដោយ, គាត់ក៏បានប្រមានថា បុរសដែលមានកម្រិតកូឡេស្តេរ៉ុលធម្មតាមិនគួរប្រើថ្នាំ statin ទេ ហើយគួរតែពឹងលើថ្នាំសម្រាប់លិង្គមិនឡើងរឹងវិញប្រសិនបើចាំបាច់។
ពពួកថ្នាំ statin ដែលរួមមានថ្នាំ Lipitor និង Zocor ត្រូវបានគេប្រើជាទូទៅក្នុងសហរដ្ឋអាមេរិក។ Kostis បាននិយាយថា ទោះជាយ៉ាងណាក៏ដោយ, ប្រហែលពាក់កណ្តាលនៃបុរសដែលប្រើថ្នាំនេះបានឈប់ប្រើក្រោយពីមួយ ឬពីរឆ្នាំ។
ថ្នាំទាំងនោះបានបន្ថយកម្រិតកូឡេស្តេរ៉ុលអាក្រក់នៅក្នុងឈាម ដែលបន្ថយហានិភ័យនៃការគាំងបេះដូង។
ការស្រាវជ្រាវថ្មីបានមើលលើលទ្ធផលនៃការស្រាវជ្រាវទាំង១៤ដែលបានបង្ហាញពីការផ្សារភ្ជាប់គ្នារវាងថ្នាំ statin និងលិង្គមិនឡើងរឹង។ អ្នកស្រាវជ្រាវបានរកឃើញថា ថ្នាំទាំងនោះបានបង្កើនមុខងារនៃលិង្គមិនឡើងរឹងប្រហែល២៥% ច្រើនជាងឥទ្ធិពលនៃការព្យាបាលដោយអរម៉ូនតេស្តូស្តេរ៉ូន ឬការប្រែប្រួលរបៀបរស់នៅដែលរួមមាន ការស្រកទម្ងន់ និងការធ្វើលំហាត់ប្រាណ។
ទោះជាយ៉ាងណាក៏ដោយ, ថ្នាំ statins បានលេចឡើងថាផ្តល់ភាពប្រសើរឡើងដល់បញ្ហាលិង្គមិនឡើងរឹងដោយប្រហែល១/៣ច្រើនដូចទៅនឹងការស្រាវជ្រាវពីមុនចំពោះថ្នាំ Viagra ។
វេជ្ជបណ្ឌិត ស្តេហ្វិន ហ្វ្រីដលេន (Stephen Freedland) ជាគ្រូពេទ្យខាងជំងឺតម្រងនោមដែលមកពីសាកលវិទ្យាល័យ Duke បាននិយាយថា បិរមាណនភាពប្រសើរឡើងដែលលេចឡើងដែលត្រូវបានបង្កឡើងដោយថ្នាំ statin នោះគឺមានសភាពតិចតួច។ បុរសអាចសម្គាល់ពីភាពប្រសើរឡើងតិចតួចនៃបញ្ហាលិង្គមិនឡើងរឹងនោះ។
វេជ្ជបណ្ឌិត ខេវិន ម៉ាកវ៉ារី (Kevin McVary) ជាប្រធានផ្នែកជំងឺតម្រងនោមនៅសាកលវិទ្យាល័យវេជ្ជសាស្ត្រ Southern Illinois បាននិយាយថា ថ្នាំ statins អាចផ្តល់ភាពប្រសើរឡើងដល់បញ្ហាលិង្គមិនឡើងរឹងដោយការពារការខូចខាតមួយចំនួននៃស្រទាប់នៃកោសិកានៅក្នុងសរសៃឈាម។ McVary បាននិយាយថា ការខូចខាតនេះអាចផ្តល់អោយលិង្គមិនឡើងរឹង។ ទោះជាយ៉ាងណាក៏ដោយ, គាត់បាននិយាយថា វាក៏អាចទៅរួចផងដែរដែលប្រភេទនៃថ្នាំ statin មួយចំនួនអាចធ្វើអោយបញ្ហាលិង្គមិនឡើងរឹងនោះកាន់តែអាក្រក់ទៅៗក៏មាន។
អ្វីជារឿងបន្ទាប់? Kostis បានប្រាប់អោយមានការស្រាវជ្រាវបន្ថែមដើម្បីប្រៀបធៀបថ្នាំ statins ទៅនឹងការព្យាបាលដទៃទៀតដូចជាថ្នាំគ្រាប់តេស្តូស្តេរ៉ូនជាដើម។
ការស្រាវជ្រាវត្រូវបានចេញផ្សាយនៅក្នុង Journal of Sexual Medicine៕