Join with Health.com.kh on Telegram

​ជំងឺ​ក្រិន​ថ្លើម គឺជា​ដំណើរ​វិវត្តន៍​នៃ​កោសិកា​ថ្លើម​ដែល​ត្រូវបាន​បំផ្លាញ ហើយ​ជំនួស​មកវិញ​ដោយ​កោសិកា​ក្រិន​រឹង និង មាន​ស្នាម ដែល​វា​ធ្វើឱ្យ​ឈាម​ពិបាក​ហូរ​ឆ្លងកាត់​ថ្លើម និង​ខ្សោយ​។ ពេលដែល​លំហូរ​ឈាម​ឆ្លងកាត់​ថ្លើម​ខ្យោ​យ វា​បណ្តាលឱ្យ​កោសិកា​ថ្លើម​បន្ត​ខូចខាត ឬ​ងាប់​តែម្តង ព្រមទាំង​បាត់បង់​មុខងារ​កាន់តែ​ធ្ងន់ធ្ងរ​។​

​ជំងឺ​ក្រិន​ថ្លើម​ចែកចេញជា ២​ដំណាក់កាល​ដូចខាងក្រោម​៖

១.​ជំងឺ​ក្រិន​ថ្លើម​ដំណាក់កាល​ស្រាល
​នៅ​ដំណាក់កាល​នេះ កោសិកា​ថ្លើម បាន​ខូចខាត ប៉ុន្តែ​វា​នៅតែ​អាចបំពេញ​មុខងារ​បាន​ភាគច្រើន និង មិនទាន់មាន​រោគសញ្ញា​អ្វី​ស្តែងចេញ​អោយដឹង​នោះទេ​។​

២.​ជំងឺ​ក្រិន​ថ្លើម​ដំណាក់កាល​ធ្ងន់​
​នៅ​ដំណាក់កាល់​នេះ កោសិកា​ថ្លើម​ខូចខាត​ទាំងស្រុង ហើយ​វា​មិនអាច​បំពេញ​មុខងារ​បា​ន​ទេ ឬ អាច​និយាយបានថា ក្រិន​ថ្លើម​ដំណាក់កាល​ចុងក្រោយ​។ ដំណាក់កាល​នេះ បណ្តាលអោយ​ស​សៃ​ឈាម​អ្នក​ហើមប៉ោង និង​អាច​បែក​ស​សៃ​ឈាម​នៅ​បំពង់​អាហារ និង​ក្រពះ​, ហូរឈាម​ផ្នែក​ក្នុង​ពោះ កើត​ទាច​ទឹក កើនឡើង​ជាតិពុល​ច្រើន​បុក​ទៅ​ខួរក្បាល​នាំអោយ​ប្រកាច់ ឬ ស្ថានភាព​ខួរក្បាល​មិនល្អ ជាដើម​។​

​ដូចនេះ គួរតែ​ព្យាបាល​ជំងឺ​ក្រិន​ថ្លើម​ឱ្យបាន​ត្រឹមត្រូវ ចាប់តាំងពី​នៅ​ដំណាក់កាល​ស្រាល ដើម្បី​សង្គ្រោះ​កោសិកា​ថ្លើម និង មុខងារ​ថ្លើម ចៀសវាង​ការវិវត្តន៍​ទៅជា​ក្រិន​ថ្លើម​ដំណាក់កាល​ចុងក្រោយ​៕​