Join with Health.com.kh on Telegram

​ការស្រាវជ្រាវ​ថ្មី​មួយ​បាន​បង្ហាញថា ស្ត្រី​មាន​ផ្ទៃពោះ​ដែល​មាន​ជំងឺ​លើសឈាម​ដែល​គេង​ស្រមុក មាន​ហានិភ័យ​ខ្ពស់​នៃ​ការ​គេង​មិន​ដកដង្ហើម​។​

​អ្នកស្រាវជ្រាវ​បាន​ប្រមាន​ថា ស្ត្រី​ទាំងនេះ​គួរតែ​ត្រូវ​បាន​តាមដាន​ចំពោះ​ជំងឺ​នៃ​ការ​គេង​, ដើម្បី​ជៀសវាង​ផលវិបាក​អំឡុង​ពេល​មាន​ផ្ទៃពោះ និង​ពេល​សម្រាល​។​

​លូ​ហ្វីស អូ​ប្រ៊េន (Louise O’Brien) បាន​និយាយថា ស្ត្រី​មាន​ផ្ទៃពោះ​លើសឈាម​ដែល​ប្រាប់​ថា​ស្រ​មុក គួរតែ​ត្រូវបាន​វាយតម្លៃ​ចំពោះ​ការ​គេង​មិន​ដកដង្ហើម​នៅពេលដែល​ការ​គេង​មិន​ដកដង្ហើម​អាច​ត្រូវបាន​ព្យាបាល​បាន​អំឡុងពេល​មាន​ផ្ទៃពោះ​។​

​ការ​គេង​មិន​ដកដង្ហើម គឺ​ជា​ជំងឺ​នៃ​ការ​គេង​មួយ​ដែល​អាច​បណ្តាល​អោយ​កម្រិត​អុកស៊ីសែន​នៅក្នុង​ឈាម​ធ្លាក់ចុះ​អំឡុង​ពេល​យប់​។ រោគសញ្ញា​នៃ​បញ្ហា​នេះ គឺ​ការ​ស្រមុក​អំឡុង​ពេល​យប់​។ អ្នកស្រាវជ្រាវ​បាន​សម្គាល់​ឃើញថា ការ​គេង​មិន​ដកដង្ហើម​ប៉ះពាល់​លើ​១/៣​នៃ​ស្ត្រី​នៅ​អំឡុង​ពេល​ពីរ ឬ​បី​ខែ​ចុង​ក្រោយ​នៃ​ការ​មាន​ផ្ទៃពោះ​។​

​អ្នកស្រាវជ្រាវ​បាន​ប្រាប់ថា ៥០%​នៃ​ស្ត្រី​មាន​ផ្ទៃពោះ​ដែល​ស្រមុក និង​មាន​ជំងឺលើសឈាម អាច​មាន​ជំងឺ​នៃ​ការដកដង្ហើម ហើយ​នឹង​មិន​ដឹង​ពី​វា​។ ប្រសិន​បើ​ពួកគេ​មិន​ស្រមុក​ទេនោះ​, ២៥%​នៃ​ស្ត្រី​មាន​ផ្ទៃពោះ​ដែល​មាន​ជំងឺលើសឈាម អាច​មាន​ការធ្វើ​រោគវិនិច្ឆ័យ​មិន​ត្រឹមត្រូវ​នៃ​បញ្ហា​នៃ​ការ​គេង​មិន​ដកដង្ហើម​នេះ​។​

O’Brien បាន​ពន្យល់ថា យើង​ដឹង​ថា ការ​ស្រមុក​ជាធម្មតា​ត្រូវ​បាន​ផ្សារភ្ជាប់​ទៅ​នឹង​លទ្ធផល​នៃ​ការ​មាន​ផ្ទៃពោះ​មិនល្អ​ទាំង​ម្តាយ និង​កូន រួម​មាន​កើនឡើង​ហានិភ័យ​នៃ​ការ​សម្រាលកូន​ដោយ​ការវះកាត់ និង​ការ​មាន​កូនតូច​។​

​ក្រៅពី​ហានិភ័យ​ខ្ពស់​នៃ​ការ​មាន​កូនតូច ឬ​សម្រាលកូន​ដោយ​ការវះកាត់​នោះ​, អ្នកស្រាវជ្រាវ​បាន​រកឃើញថា ការ​គេង​មិន​ដកដង្ហើម គឺ​មាន​ហានិភ័យ​ខ្ពស់​នៃ​ជំងឺ​ព្រាយ​ក្រឡា​ភ្លើង ដែល​ជា​បញ្ហា​គ្រោះថ្នាក់​ដែល​ពាក់ព័ន្ធ​ទៅនឹង​ការឡើង​សម្ពាធ​ឈាម និង​មាន​ប្រូតេអ៊ីន​នៅក្នុង​ទឹកនោម​៕