Join with Health.com.kh on Telegram

​ប្រទេស​ថៃ នៅ​ថ្ងៃអាទិត្យ​នេះ បាន​កត់ត្រា​ករណី​ឆ្លង​វីរុស​ថ្មី​ចំនួន ១៩៨ ករណី ក្នុងនោះ ១១៨ ករណី ជាការ​ចម្លង​តាម​មូលដ្ឋាន ដែល​ធ្វើឱ្យ​ចំនួន​ករណី​ឆ្លង​សរុប​កើនឡើង​ដល់ ១៣.៥០០ នាក់​។ ការស្លាប់​ថ្មី​មួយ ត្រូវបាន​គេ​រាយការណ៍ ដែល​ធ្វើឱ្យ​ចំនួន​មនុស្ស​ស្លាប់​កើន​ដល់ ៧៣ នាក់​។​

​អ្នកនាំពាក្យ​រង​នៃ​មជ្ឈមណ្ឌល​គ្រប់គ្រង​ស្ថានភាព Covid-19 (CCSA) លោកស្រី Apisamai Srisangson បាន​និយាយថា អ្នកស្លាប់​ថ្មី គឺជា​ស្ត្រី​អាយុ ៧៣ ឆ្នាំ ដែលមាន​ទំនាក់ទំនង​ជិតស្និទ្ធ​ជាមួយ​អ្នកជំងឺ Covid-19 នៅក្នុង​គ្រួសារ​របស់គាត់ នៅ​សាមុត​សា​ខន​។ ស្ត្រី​រូបនេះ បានបង្ហាញ​រោគសញ្ញា​នៅ​ថ្ងៃទី​៤ ខែមករា ហើយ​ការធ្វើ​តេស្ត​របស់គាត់ ធ្វើឡើង​នៅ​មន្ទីរពេទ្យ​សាមុត​សា​ខន​នៅ​ថ្ងៃទី​៩ ខែមករា គឺ​វិជ្ជមាន​។ ក្រោយមក​គាត់​ត្រូវបាន​បញ្ជូនទៅ​មន្ទីរពេទ្យ​តាក​ស៊ីន ក្នុង​ទីក្រុង​បាងកក និង​ត្រូវបាន​ប្រកា​សថាបាន​ស្លាប់​នៅ​ថ្ងៃ​សៅរ៍​។​

​ក្នុងចំនោម​ករណី​ជំងឺ​កូ​វីដ​-១៩ ថ្មី ១៩៨​ករណី នៅ​ថ្ងៃអាទិត្យ​នេះ មាន ១១៨ ករណី ឆ្លង​ក្នុងស្រុក ឯ ៧៣ ពី​ការធ្វើ​តេ​ស្តិ៍​សកម្ម ដែល​ភាគច្រើន​នៅ​សាមុត​សា​ខន​, ចំនួន ៥ នាក់ មកពី​បរទេស​តាមរយៈ​អាកាសយានដ្ឋាន​សុវណ្ណ​ភូមិ និង ២ នាក់ មកពី​ប្រទេស​ម៉ាឡេស៊ី​ឆ្លងកាត់​ព្រំដែន​ខាងត្បូង ដែល​បង្កើន​ចំនួន​សរុប​ដល់ ១៣.៥០០ នាក់​៕