Join with Health.com.kh on Telegram

​ជំងឺ​ទឹកនោម​ផែ្អ​ម គឺជា​ជំងឺ​មួយ​ដែល​បង្កឡើង​ដោយ​ភាពខុស​បែ្ល​ក​នៃ​អ័រម៉ូន វា​អាច​បណ្តាល​ឲ្យ​មាន​បញហា​ជាច្រើន​ដូចជា ក្រលៀន ហើម​ប្រអប់ជើង ភែ្ន​ក បេះដូង ប្រព័ន្ធ​ប្រសាទ និង​ចរន្តឈាម ។ បើសិនជា​យើង​ទុក​វា មិន​ព្យាបាល​ទេនោះ​បញ្ហា ទាំងអស់នេះ​នឹង​នាំឱ្យ​អ្នកខ្សោយ​ក្រលៀន កើត​ដំបៅ ស្លាប់​អវៈយវៈ ងងឹត​ភែ្ន​ក ឬ​នាំ​ឲ្យ​មាន ការ​ដាច់​សរសៃឈាម​ក្នុង​ខួរក្បាល​ទៀតផង​។ ជំងឺ​ទឹកនោម​ផែ្អ​ម​ច្រើនតែ​កើត​លើ​ដែលមាន​អាយុ​ច្រើន ធាត់ ហើយ​ធ្វើ​ឲ្យ​កើនឡើង​នូវ​ភាព​អសកម្ម​ក្នុង​ជីវភាព​រស់នៅ ។ តើ​ជំងឺ​ទឹកនោមផ្អែម​មាន​ប៉ុន្មាន​ប្រភេទ​?

​ប្រាកដ​ណាស់​! ជំងឺ​ទឹកនោម​ផែ្អ​ម​មាន ២​ប្រភេទ ដូចខាងក្រោម​៖

១.​ជំងឺ​ទឹកនោម​ផែ្អ​ម​ប្រភេទ​ទី​១ ៖ ជា​ជំងឺ​ទឹកនោម​ផែ្អ​ម ដែល​អាស្រ័យទៅលើ​អ័រម៉ូន​អាំង​ស៊ុយ​លីន​ដែលមាន​នៅក្នុង​ខ្លួន ឬ​ជា​ជំងឺ​ដែល​ធ្វើឱ្យ​ភាពស៊ាំ​របស់​រាងកាយ​ចុះខ្សោយ ។ វា បំផ្លាញ​កោសិកា​លំពែង ដែលជា​អ្នក​ផលិត អ័រម៉ូន​អាំង​ស៊ុយ​លីន ដែល​យើ​ត្រូវការ​ជា​ចាំបាច់​ដើម្បី គ្រប់គ្រង​កម្រិត​ជាតិ​ស្ករ​នៅក្នុង​ឈាម​។ ចំពោះ​អ្នក​ដែល​កើត​ជំងឺ​ទឹកនោម​ផែ្អ​ម​ទាំង​នៅ​កេ្ម​ង នោះ​ពួកគេ​មិនអាច​ផលិត អ័រម៉ូន​អាំង​ស៊ុយ​លីន បានឡើយ​។ អ្នក​កើត​ជំងឺ​ទឹកនោម​ផែ្អ​ម​ប្រភេទ​ទី​១ នេះ ត្រូវតែ​បង្កើន​បរិមាណ អ័រម៉ូន​អាំង​ស៊ុយ​លីន​នៅក្នុង​ខ្លួន​មិន​ថា​តាមរយៈ ការចាក់​ថ្នាំ​អាំង​ស៊ុយ​លីន ឬ​ពាក់​ឧបករណ៍ ដើម្បី​បំ​ភាយ​អាំង​ស៊ុយ​លីន នៅក្រោម​ស្បែក​នោះទេ​។ សូមបញ្ជាក់ថា អ័រម៉ូន​អាំង​ស៊ុយ​លីន មិនអាច​ទទួលបាន​តា​មរយៈ​ថ្នាំ​គ្រាប់​ទេ ពីព្រោះ​វា​នឹងត្រូវ​បំផ្លាញ​នៅពេលដែល​យើង​លេប​ចូល​ទៅដោយ មិនទាន់​ទាំង​បានផ្តល់​ដល់​រាងកាយ​នៅឡើយ​។​

​តើ​ជំងឺ​ទឹកនោមផ្អែម​ប្រភេទ​ទី​១​មាន​រោគសញ្ញា​ដូចម្តេចខ្លះ​?
​ចំពោះ​ជំងឺ​ទឹកនោម​ផែ្អ​ម​ប្រភេទ​ទី​១ គឺ​ភាគច្រើន​ប​ង្អា​ញ​រោគសញ្ញា​ភ្លាមៗ ។ រោគសញ្ញា​របស់​វា​មាន​៖

-​កំរិត​ជាតិ​ស្ករ​នៅក្នុង​ឈាម និង​ទឹកនោម ឡើង​ខ្ពស់​
-​នោម​ញឹក​
-​មាន​អាកា​រៈ​ឃ្លាន​ខុសពី​ធម្មតា​
-​ស្រក​ទម្ងន់​ដោយ​ពុំ​ដឹង​មូលហេតុ​
-​មាន​អាកា​រៈ​ខ្សោយ និង​ឆាប់​នឿយហត់​
-​ឆាប់​ខឹង និង​មិនមាន​តុល្យភាព​អារម្មណ៍​
-​អ្នក​ចង់​ក្អួត ឬ ក្អួត​តែម្តង​

​តើ​មូល​ហេតុអ្វី ដែល​នាំ​ឲ្យ​កើត​ជំងឺ​ទឹកនោម​ផែ្អ​ម​ប្រភេទ​ទី​១?
​គេ​នៅ​មិនទាន់​ដឹង​ច្បាស់​នៅឡើយ​ទេ អំពី​មូលហេតុ បើទោះបី​ជាមាន​ភស្តុតាង​បញ្ជាក់ថា វា​អាចជា​ជំងឺតពូជ​ក៏ដោយ តែ​ក៏មាន​កត្តា​មជ្ឈដ្ឋាន និង​ជំងឺ​ដទៃ​ដែល​នាំ​ឲ្យ​កើត​ជំងឺ​នេះ​បានដែរ​។​

​តើ​ជំងឺ​ទឹកនោម​ផែ្អ​ម​ប្រភេទ​ទី​១ អាច​គ្រប់គ្រង​បាន​ឬទេ​?
​ចំពោះ​អ្នក​ដែលមាន ជំងឺ​ទឹកនោម​ផែ្អ​ម​ប្រភេទ​ទី​១ ពួកគេ​អាច​រស់នៅ​ដោយ​រីករាយ និង​មាន​សុខភាព​ធម្មតា បើសិនជា​គេ​អនុវត្តតាម​ការព្យាបាល​។ ការកំរិត​ជាតិ​ស្ករ ត្រូវបាន​គ្រប់គ្រង ឲ្យ​មាន​សភាព​ធម្មតា​រហូត​តាមរយៈ​ការចាក់​បញ្ចូល​អ័រម៉ូន​អាំង​ស៊ុយ​លីន ការហាត់​ប្រាណ និង​ការ​ទទួលទាន​អាហារ​ឲ្យ​បាន​ត្រឹមត្រូវ​។ យើង​អាច​ដឹងបាន​ថា តើ​ជំងឺ​នេះ អាច​គ្រប់គ្រង​បាន​ឬ​អត់ តាមរយៈ​ការធ្វើ​តេស្ត​លើទឹក​នោម និង​ឈាម​។

២.​ជំងឺ​ទឹកនោម​ផែ្អ​ម​ប្រភេទ​ទី​២
​ជំងឺ​ទឹកនោម​ផែ្អ​ម​ប្រភេទ​ទី​២ គឺ​គ្រោះថ្នាក់​បំផុត ហើយ​វា​មាន​កំរិត​ធ្ងន់ធ្ងរ​ជាង​ប្រភេទ​ទី​១ ដោយសារ វា​មិន​អាស្រ័យទៅលើ​អ័រម៉ូន​អាំង​ស៊ុយ​លីន​ឡើយ​។ មនុស្ស​ដែលមាន​វ័​ចាប់ពី​អាយុ ៤៥​ឆ្នាំ​ឡើងទៅ និង​អ្នក​ដែល​លើស​ទម្ងន់ ច្រើនតែ​កើត​ជំងឺ​នេះ ហើយ​ពួកគេ មិនអាច​ផលិត​អ័រម៉ូន​អាំង​ស៊ុយ​លីន​បាន​គ្រប់គ្រាន់​ទេ ឬ​មិនអាច​ប្រើប្រាស់​អ័រម៉ូន​អាំង​ស៊ុយ​លីន​បានតែ​ម្តង​។ ដោយសារ​កង្វះ​អ័រម៉ូន​អាំង​ស៊ុយ​លីន​នេះហើយ ទើប​រាងកាយ​មិនអាច​បញ្ជូន​ជាតិ​ស្ករ​ក្នុង​ឈាម ចូលទៅក្នុង​កោសិកា​បានទេ​។ ជាតិ​ស្ករ​កើនឡើង​នៅក្នុង​ឈាម បង្ក​ឲ្យ​មាន​បញ្ហា​ដល់​សុខភាព​។​

តើ​ជំងឺ​ទឹកនោមផ្អែម​ប្រភេទ​ទី​២ មាន​រោគសញ្ញា​ដូចម្តេចខ្លះ​?
​ភាគច្រើន​វា​មានការ​រាតត្បាត​យឺត​។ អ្នកជំងឺ​ប្រភេទ​នេះ ភាគច្រើន​មាន​អាកា​រៈ​ស្រេកទឹក​ខ្លាំង និង​នោម​ញឹក​។ មិន​ត្រឹមតែ​ប៉ុណ្ណោះ ពួកគេ​មាន​អារម្មណ៍​នឿយហត់ ឆាប់​ខឹង និង​ចង់​ក្អួត ឃ្លាន​ខ្លាំង​តែ​ស្រក​ទម្ងន់​។ ខាងក្រោម​នេះ គឺជា​រោគសញ្ញា​ផ្សេងៗ​ទៀត អ្នកជំងឺ​ទឹកនោមផ្អែម​ប្រភេទ​ទី​២​នឹង​ប្រឈម​៖

-​មាន​ជំងឺ​សើ​ស្បែក ជំងឺ​អញ្ចាញ​ធេ្ម​ញ រលាក​រន្ធ​ភេទ ឬ​រលាក​ផ្លោក​នោម​ជា​ញឹកញាប់ ហើយ​ពិបាក​ព្យាបាល​
-​ស្រវាំង​ភែ្ន​ក​
-​ស្ពឹក​ស្រពន់​ដៃជើង​
-​មាន​ស្បែក​ស្ងួត រមាស់​.

​រោគសញ្ញា ខាងលើនេះ​អាចមាន​លក្ខណៈ​ស្រាល ដែលជា​ហេតុ​ធ្វើ​ឲ្យ​គេ​មិនបាន​ចាប់អារម្មណ៍​។ មាន​មនុស្ស​រាប់លាន នាក់​នៅលើ​ពិភពលោក​ដែល​កើត ជំងឺ​ទឹកនោម​ផែ្អ​ម​ប្រភេទ​ទី​២ នេះ​ដោយ​មិនដឹង​ខ្លួន​។​

​មូលហេតុ​អ្វីដែល​នាំ​ឲ្យ​អ្នក​កើត​ជំងឺ​ទឹកនោម​ផែ្អ​ម​ប្រភេទ​ទី​២?
​ចម្លើយ គឺ​មិនទាន់​ដឹង​ច្បាស់លាស់​នៅឡើយ​ទេ ដែល​គេ​តែង​អះអាង ថា​វា​អាចជា ជំងឺតពូជ​តែ​ពុំមាន​ភស្តុតាង​នោះទេ​។ មាន​កត្តា​ផ្សេងទៀត​ដែល​គេ​កំណត់ ចំពោះ​អ្នក​កើត​ជំងឺ​នេះ​ដូចជា​ការ​ធាត់ លើស​ទម្ងន់ លើស​សំពាធ​ឈាម លើស​ជាតិ​ខ្លាញ់​ក្នុង​ឈាម ជាដើម ។​

​តើ​ជំងឺ​ទឹកនោម​ផែ្អ​ម​ប្រភេទ​ទី​២​នេះ​អាច​គ្រប់គ្រង​បាន​ឬទេ​?
​ជំងឺ​ទឹកនោម​ផែ្អ​ម​ប្រភេទ​ទី​២ អាច​គ្រប់គ្រង​បាន​ដោយ​ការរក្សា​បរិមាណ ជាតិ​ស្ករ​ឲ្យ​ស្ថិតនៅក្នុង កំរិត​ធម្មតា​ជានិច្ច តាម​ដែល​អាចធ្វើ​ទៅបាន ដោយ​ការហាត់​ប្រាណ​ឲ្យ​បាន​ទៀងទាត់ និង​ការគ្រប់គ្រង​លើ​របប​អាហារ​ឲ្យ​បាន​ម៉ត់ចត់​។ ចំពោះ​អ្នក​លើស​ទម្ងន់ ការ​សម្រក​ទម្ងន់ ជា​វិធី​ដ៏​ល្អ​មួយ​ក្នុង​ការរក្សា​កំរិត​ជាតិ​ស្ករ​ក្នុង​ឈាម​បាន​៕