មិនមែនគ្រប់អាហារ ឬភេសជ្ជៈគ្រប់ប្រភេទសុទ្ធតែល្អសម្រាប់សុខភាពឡើយ ប្រសិនបើអ្នកទទួលទានវាខុសពេល ជាពិសេសខណៈពេលពោះទទេនោះ។ ថាតើដើម្បីរក្សាបាននូវសុខភាពល្អរឹងមាំ អាហារអ្វីខ្លះទៅដែលយើងគួរជៀសវាងទទួលទាននៅពេលពោះទទេ? អត្ថបទខាងក្រោមនឹងបង្ហាញឲ្យដឹងពីប្រភេទនៃអាហារដែលអ្នកមិនគួរទទួលទាននៅខណៈពេលពោះទទេ ៖

១. ភេសជ្ជៈកាបូអ៊ីដ្រាតគ្រប់ប្រភេទ

ការទទួលទានភេសជ្ជៈសូដា ឬភេសជ្ជៈមានជាតិហ្គាស គឺជាមូលហេតុចម្បងមួយនៃជំងឺធាត់ជ្រុល។ ទោះបីជាភេសជ្ជៈកាបូអ៊ីដ្រាតគ្មានជាតិស្ករក៏ដោយ ក៏មិនត្រូវបានណែនាំឲ្យទទួលទាននៅពេលពោះទទេដែរ។ ការទទួលទានភេសជ្ជៈប្រភេទនេះនៅពេលព្រឹកអាចកាត់បន្ថយការផ្គត់ផ្គង់ឈាមទៅកាន់ក្រពះ, បំផ្លាញភ្នាសទឹករំអិល ហើយនាំឲ្យដំណើរនៃការរំលាយអាហារយឺតជាងធម្មតា ជាហេតុនៃបញ្ហាទល់លាមក។

២. ផ្លែឈើមានរសជាតិជូរ

បន្ថែមពីលើជាតិស្ករខ្ពស់ដែលវាមានផ្ទុក ផ្លែឈើដែលមានរសជាតិជូរ ក៏សម្បូរទៅដោយជាតិអាស៊ីតដែរ ហើយក៏ព្រោះតែបែបនេះទើបវាមិនល្អចំពោះក្រពះ។

៣. ត្រសក់

បន្លែឆៅដូចជា ត្រសក់ គឺល្អចំពោះសុខភាពរាងកាយទាំងមូល ប៉ុន្តែប្រសិនបើអ្នកទទួលទានវានៅពេលពោះទទេនោះ វាអាចបណ្ដាលឲ្យអ្នកជួបប្រទះនូវបញ្ហាសុខភាពមួយចំនួនដូចជា ក្រហាយដើមទ្រូង, ឈឺក្នុងពោះ, ហើមពោះ និងមានអារម្មណ៍មិនស្រួលក្នុងខ្លួន ជាក់ជាមិនខាន។

៤. ទឹកដោះជូរ ឬយ៉ាអួរ

នៅពេលទទួលទានអាហារប្រភេទនេះនៅពេលពោះទទេ អាស៊ីត hydrochloric ដែលវាមានផ្ទុក គឺអាចបំផ្លាញបាក់តេរីល្អៗបានយ៉ាងឆាប់រហ័ស ហើយបញ្ហានេះនឹងបង្កអវិជ្ជផលមានផ្សេងៗជាក់ជាមិនខាន។

៥. ផ្លែសេរ៊ី

ផ្លែសេរ៊ីមានផ្ទុកជាតិសសៃស្រស់ឆៅដែលអាចបង្កផលប៉ះពាល់ទៅលើភ្នាសរំអិលនៃពោះទទេ។

៦. អាហារហឹរ

ការទទួលទានអាហារហឹរនៅពេលពោះទទេ គឺអាចបណ្ដាលឲ្យមានការរលាកដល់ស្រោមពោះ ហើយក៏បង្កជាបញ្ហាផ្សេងៗទៀតដូចជា រមួលក្នុងពោះ, ច្រាលអាស៊ីតក្រពះ និងពិបាកក្នុងការរំលាយអាហារ។

៧. ប៉េងប៉ោះ

ផ្លែប៉េងប៉ោះមានផ្ទុកកម្រិតនៃជាតិអាស៊ីត tannic ខ្ពស់ ដែលបង្កើនជាតិអាស៊ីតនៅក្នុងក្រពះ ហើយបញ្ហានេះអាចនាំឲ្យដំបៅក្រពះគួរឲ្យព្រួយបារម្ភ៕