ដោយសារតែសម័បច្ចុប្បន្នជាសម័យនៃគ្រឿងអេឡិចត្រូនិចទំនើប ដូចនេះមិនថាមនុស្សដើរដល់ណាទេ គេតែងតែកាន់ទូរស័ព្ទដៃគេដើម្បីលេង។ តើអ្នកដឹងទេថាវាអាចធ្វើឱ្យខូចភ្នែកអ្នកបាននោះ? ខាងក្រោមនេះយើងខ្ញុំនឹងណែនាំវិធីដែលអាចជួយដល់ភ្នែកអ្នកបាន។
1. អ្នកអាចមើលរុក្ខជាតិបៃតងដែលនៅឆ្ងាយពីអ្នក១០ម៉ែត្រក្នុងរយៈពេល២៥វិនាទី។ ក្រោយពេលដែលអ្នកមើលរួច អ្នកនឹងមានអារម្មណ៍ថា ភ្នែកអ្នកប្រសើរជាងមុន។
2. មិនត្រូវឧស្សាហ៍បិទភ្នែកឬព្រិចភ្នែកទេនៅពេលដែលភ្នែកអ្នកនឿយហត់ ព្រោះបើអ្នកតែងតែបិទ និងព្រិច នោះសុខភាពភ្នែករបស់អ្នកនឹងអន់ទៅៗជាមិនខានឡើយ។
3. អ្នកអាចក្រឡឹងភ្នែកចុះឡើងដូចជាដំបូងត្រូវចាប់ពីលើ បន្ទាប់មកទម្លាក់ភ្នែកមកខាងឆ្វេង ហើយទម្លាក់ចុះក្រោម បន្ទាប់មកទៀតទើបសម្លឹងទៅខាងស្តាំ ធ្វើចលនាទាំងនេះ៩ដង។ ការធ្វើបែបនេះ នឹងជួយធ្វើឲ្យភ្នែកអ្នកឆាប់ភ្លឺជាមុនណាស់។
4. អ្នកអាចធ្វើឱ្យភ្នែកអ្នកដកដង្ហើមបានដោយរកកន្លែងដែលមានខ្យល់អាកាសបរិសុទ្ធហើយអង្គុយចុះ។ បន្ទាប់មកអ្នកត្រូវដកដង្ហើមឱ្យវែង ព្រមទាំងបើកភ្នែកឱ្យធំដើម្បីស្រូបយកខ្យល់អាកាសទាំងនេះចូល។ បន្ទាប់មកទៀតអ្នកត្រូវបន្ធូរខ្យល់ចេញមកវិញដោយចាប់ផ្តើមបិទភ្នែកឱ្យកាន់តែតូចទៅៗ។ អ្នកត្រូវអនុវត្តចលនានេះចំនួន៩ដងក្នុងមួយថ្ងៃ នោះភ្នែកអ្នកនឹងមានសុខភាពល្អណាស់៕