Join with Health.com.kh on Telegram

​រដ្ឋបាល​ក្រុង​បាងកក បាន​យល់ព្រម​បើក​ឡើងវិញ​នូវ​ទីតាំង​ចំនួន ១៣ ប្រភេទ រួមមាន​ទាំង​ល្បែង​លេង​ហ្គេមនិង​ហាង ចាប់ពី​ថ្ងៃ​សុក្រ ប៉ុន្តែ​អាជីវកម្ម ១៣ ប្រភេទ​ផ្សេងទៀត នឹង​នៅតែ​បិទទ្វារ រួមទាំង​ហាង​ស្រា​ផងដែរ។​

​អ្នកនាំពាក្យ BMA លោក Pongsakorn Kwanmuang បាន​និយាយថា គណៈកម្មាធិការ​ត្រួតពិនិត្យ​ជំងឺឆ្លង​របស់ខ្លួន ដឹកនាំ​ដោយ​អភិបាលក្រុង​បាងកក​លោក Aswin Kwanmuang បានធ្វើការ​សម្រេចចិត្ត​កាលពី​ថ្ងៃ​ព្រហស្បតិ៍ បន្ទាប់ពី​បាន​ពិភាក្សា​ជាមួយ​វេជ្ជបណ្ឌិត និង​សាស្ត្រាចារ្យ​ផ្នែក​វេជ្ជសាស្ត្រ​។​

​បរិវេណ​ដែល​អាច​បើក​ជាថ្មី​បាន​មានដូចជា​៖ កន្លែង​លេងល្បែង កន្លែង​ជប់លៀង មជ្ឈមណ្ឌល​ពុទ្ធ​មណ្ឌល (​ដោយ​ការជួបជុំ​មនុស្ស​ច្រើន​ត្រូវបាន​ហាម​) ហាង​កែ​សម្ផស្ស​និង​សាក់ ក្លឹប​ហាត់ប្រាណ ស្ប៉ា​និង​ហាង​ម៉ាស្សា​ថៃ ជំរុំ​ហ្វឹកហាត់​ប្រដាល់ មជ្ឈមណ្ឌល​ប៊ូ​លីង​និង​ជិះ​ស្គី សាលា​ហាត់​រាំ សាលា​​សិល្បៈ​ក្បាច់គុន​។ កន្លែង​ទាំងនេះត្រូវបាន​អនុញ្ញាតឱ្យ​បើក​ដំណើរ​វិញ ដោយ​គោរព​តាម​លក្ខខណ្ឌ​អនាម័យ ពាក់​ម៉ាស់ ការរក្សា​គម្លាត និង​កំណត់​ចំនួន​មនុស្ស ផងដែរ​៕​