នាថ្ងៃព្រហស្បតិ៍នេះ រដ្ឋាភិបាលថៃ បានរាយការណ៍ពីករណី Covid-19 ថ្មីចំនួន ១៤២ ករណី ដែលការឆ្លងក្នុងតំបន់ចំនួន ១២៥ និងការនាំចូលចំនួន ១៧ករណី នាំឱ្យចំនួនអ្នកឆ្លងសរុបកើនឡើងដល់ ១២.៧៩៥ ។
អ្នកនាំពាក្យមជ្ឈមណ្ឌលគ្រប់គ្រងស្ថានភាព Covid-19 បាននិយាយថា ក្នុងចំណោមអ្នកឆ្លងក្នុងតំបន់មានករណីថ្មីចំនួន ៨៨ ត្រូវបានបញ្ជាក់តាមរយៈប្រព័ន្ធសុខភាពធម្មតានិង ៣៧ ករណីត្រូវបានរកឃើញតាមរយៈការរកឃើញករណីសកម្មនៅក្នុងសហគមន៍។
ករណីថ្មីចំនួន ៨៨នាក់ ដែលបានទៅមន្ទីរពេទ្យដោយខ្លួនឯងរួមមាន ៦៣ ករណីនៅខេត្តសាមុតសាខន និង ១៤ករណីនៅទីក្រុងបាងកក។
ការស្វែងរកករណីសកម្មបានបញ្ជាក់ថាមានករណីថ្មីចំនួន ២៩ ករណីប៉ុណ្ណោះនៅសាមុតសាខនដែលក្រុមបុគ្គលិកត្រួតពិនិត្យជំងឺសង្ឃឹមថានឹងបញ្ចប់ការស្វែងរកករណីសកម្មនៅចុងខែនេះ។ អ្នកនាំពាក្យបាននិយាយថាការធ្វើតេស្តិ៍សហគមន៍បានរកឃើញករណីថ្មីចំនួន ២ នៅក្នុងទីក្រុងបាងកក។
ជាសរុបមានករណីថ្មីចំនួន ៩២ ករណីនៅសាមុតសាខុន និង ១៦ករណីថ្មីនៅទីក្រុងបាងកក។
ករណីដែលបាននាំចូលចំនួន ១៧ករណី គឺជាការមកដល់ដាច់ដោយឡែកពីប្រទេសមីយ៉ាន់ម៉ា ស្វ៊ីស ស៊ុយអែត តួកគី ជប៉ុន ឥណ្ឌា សហរដ្ឋអាមេរិក និងម៉ាឡេស៊ី៕
