ជំងឺខ្សោយបេះដូង ជាបណ្តុំរោគសញ្ញាដែលបណ្តាលមកពីការខូចខាតទ្រង់ទ្រាយ ឬដំណើរការមិនល្អនូវមុខងាររបស់បេះដូង ដែលបណ្តាលការបំពេញឈាមក្នុងថតបេះដូងថយចុះ ឬការថយចុះនៃការច្របាច់ឈាមទៅចិញ្ចឹមសរីរាង្គកាយ។
ជំងឺខ្សោយបេះដូងត្រូវបានគេបែងចែកជា ៣ ចំណាត់ថ្នាក់ដោយផ្អែកលើការកន្ត្រាក់របស់បេះដូង ដែលមានដូចខាងក្រោម៖
១-ការកន្ត្រាក់របស់បេះដូង ធំជាង ៥០%
២-ការខ្សោយបេះដូងជាមួយនឹងការថយចុះនៃការកន្ត្រាក់របស់បេះដូង ដែលមាន EF តូចជាង ឬស្មើ ៤០%
៣-ការកន្ត្រាក់បេះដូងដែលមាន EF នៅចន្លោះ ៤០% ទៅ ៥០% ។
បើសិនអ្នកសង្ស័យ និងមិនច្បាស់ថា អ្នកកំពុងប្រឈមនឹងជំងឺខ្សោយបេះដូងឫទេ នោះអ្នកអាចសម្គាល់បានដោយអាការៈនៃការហត់ និងហើម ការអស់កម្លាំង ចុកទ្រូង ញ័រទ្រូង៕