Join with Health.com.kh on Telegram

ការ​សិក្សា​ថ្មី​មួយ​បានអោយ​ដឹង​ថា​ វេជ្ជបណ្ឌិត​វះកាត់​ ម្នាក់​ក្នុង​ចំណោម​១៦​ នាក់​ បាន​ មានគំនិត​សំលាប់​ខ្លួនឯង​។​ ប៉ុន្តែ​វេជ្ជបណ្ឌិត​មួយ​ចំនួន​ ត្រូវ​បាន​ជួយ​សង្គ្រោះ​ពី​អ្នកជំនាញ​ផ្នែក​សុខភាព​ផ្លូវចិត្ត​ ។​
អ្នក​ស្រាវជ្រាវ​បានការ​អង្កេត​ទៅ​លើ​វេជ្ជបណ្ឌិត​វះកាត់​ចំនួន​ ៧៩០៥​ នាក់​នៅ​មហាវិទ្យាល័យ​ American​ College​ of​ Surgeons​ នៅ​ក្នុង​ឆ្នាំ​ ២០០៨​ ហើយ​បាន​រក​ឃើញ​ថា​ វេជ្ជបណ្ឌិត​ចំនួន​ ៥០១​ នាក់​ (៦.៣​ ភាគរយ​)​ បាន​និយាយ​ថា​ ពួក​គេ​ធ្លាប់​មានគំនិត​ចង់​ធ្វើការ​ សំលាប់​ខ្លួនឯង​កាលពី​ឆ្នាំ​កន្លង​ទៅ​ ។​

វេជ្ជបណ្ឌិត​ទាំង​អស់នោះ​មាន​អាយុ​ចាប់ពី​ ៤៥​ ឆ្នាំ​ឡើង​ទៅ​ អាច​មានគំនិត​បែប​នេះ​ ១.៥​ ទៅ​ ៣​ ដង​ជាង​ប្រជាជន​ធម្មតា​ ។​ វេជ្ជបណ្ឌិត​វះកាត់​ដែល​លែងលះ​ប្រ​ព​ន្ឋ​មានការ​ ប្រឈម​មុខ​ខ្ពស់​ នឹង​គំនិត​ចង់​សម្លាប់​ខ្លួន​។​ រីឯ​អ្នក​ដែល​មានគ្រួសារ​ និង​ កូនចៅ​រួច​មិនសូវ​ចោទ​ជា​បញ្ហា​ប៉ុន្មាន​ នោះ​ទេ​ ។​
វេជ្ជបណ្ឌិត​ Tait​ D.​ Shanafelt​ បាន​និយាយ​ថា​ “​ទ​ង្វើ​ខុសឆ្គង​ផ្នែក​វេជ្ជសាស្ត្រ​នៅ​ក្នុង​អាជីព​ ការងារ​កាលពី​ ៣​ ខែ​មុន​ ក្លាយ​មួយ​ជា​បី​នៃ​ការ​ប្រឈម​នឹង​ការ​គិត​ប៉ង​សំលាប់​ខ្លួនឯង​ ។​

មាន​តែ​វេជ្ជបណ្ឌិត​វះកាត់​ចំនួន​ ១៣០​ នាក់​ (២៦​ ភាគរយ​)​ ប៉ុន​នោះ​ដែល​បាន​ស្វះ​ស្វែងរក​ ជំនួយ​ពី​គ្រូពេទ្យ​ចិត្តសាស្ត្រ​ ឬ​ អ្នក​ចិត្ត​វិទ្យា​ នៅ​ពេល​ដែល​ចំនួន​ ៣០១​ នាក់​ទៀត​ (៦០.១​ ភាគរយ​)​ បាន​និយាយ​ថា​ ពួក​គេ​ស្ទាក់​ស្ទើរនឹង​ការ​រក​ជំនួយ​ពីព្រោះ​ពួក​គេ​គិត​ថា​ វា​អាច​នឹង​ ជះ​ឥទ្ធិពល​អាក្រក់​ទៅ​លើ​ឋានៈ​ ឬ​ អា​ជា្ញ​ប័ណ្ណ​វេជ្ជសាស្ត្រ​ (medical​ license)​ របស់​ពួក​គេ​ ។​
វេជ្ជបណ្ឌិត​វះកាត់​ចំនួន​ ៤៦១​ អ្នក​បាន​ទទួលស្គាល់​ថា​ពួក​គេ​ពិតជា​បាន​ទទួលទាន​ថ្នាំ​ រំងាប់​អារម្មណ៍​ (antidepressants)​ កាលពី​ឆ្នាំ​កន្លង​ទៅ​មែន​,​ ៤១​ នាក់​ (៨.៩​ ភាគរយ​)​ ចេញ​វេជ្ជបញ្ជា​ដោយ​ខ្លួនឯង​ និង​ ៣៤​ នាក់​ទៀត​ (៧.៤​ ភាគរយ​)​ ទទួល​បាន​វេជ្ជបញ្ជា​ ពី​មិត្តភក្តិ​ អ្នក​ដែល​មិន​គិត​ថា​ពួក​គេ​ជា​អ្នកមាន​ជំងឺ​នោះ​ទេ​ ។​

អ្នក​ស្រាវជ្រាវ​នៃ​គ្លីនិក​ Mayo​ Clinic​ អោយ​យោបល់​ថា​ ការ​ស្រាវជ្រាវ​បន្ថែម​នោះ​ គឺ​ត្រូវ​ ធ្វើ​យ៉ាងណា​ដឹង​អោយ​បាន​ពី​កត្តា​ផ្សេងៗ​ទៀត​ដែល​ចូលរួម​ចំណែក​នៃ​ការ​ប្រឈម​មុខ​ទៅ​នឹង​ការ​ធ្វើ​អត្ត​ឃា​ដ​របស់​វេជ្ជបណ្ឌិត​វះកាត់​ តាម​ដែល​អាច​ធ្វើ​ទៅ​បាន​ ដើម្បី​ជួយ​សង្គ្រោះ​ វេជ្ជបណ្ឌិត​វះកាត់​ទាំងនោះ​ និង​ លុប​បំបាត់​នូវ​របាំង​ដែល​អាច​ធ្វើ​អោយ​គេ​ងាករេ​ មិន​ចង់ទៅ​រក​ជំនួយ​ណាមួយ​ ៕