Join with Health.com.kh on Telegram

​ជា​ឧទាហរណ៍ ស្រា សារធាតុ​គីមី ថ្នាំ ឫ​ប្រភេទ​អាហារ​បំប៉ន​ផ្សេងៗ គឺ​សុទ្ធតែ​អាច​បណ្តាលឱ្យ​ថ្លើម​អ្នក​រលាក​បាន ដែល​នេះ​គេ​ហៅថា​ជា ការ​រលាក​ថ្លើម​ដោយសារ​ជាតិពុល​។ ហើយ​ពេលខ្លះ វា​អាចមាន​រោគសញ្ញា​ត្រឹមតែ​ប៉ុន្មាន​ម៉ោង​បន្ទាប់ពី​អ្នក​ប៉ះពាល់​ជាមួយ​សារធាតុ​ទាំងនោះ និង​ពេលខ្លះ​អាច​ប្រើពេល​រាប់​ខែ​ទើប​ចេញ​រោគសញ្ញា​។ តើ​រោគសញ្ញា​នៃ​ការ​រលាក​ថ្លើម​ដោយសារ​ជាតិពុល​មាន​អ្វីខ្លះ​? សូម​មើល​ប្រសិនបើ​មាន​លក្ខខណ្ឌ​ដូចខាងក្រោម​៖

– ស្បែក និង​ភ្នែក​ឡើង​លឿង ដែល​គេ​និយម​ហៅថា ខាន់លឿង
– អស់កម្លាំង​ល្ហិតល្ហៃ​
– បាត់បង់​ចំណង់​អាហារ​
– ក្អួត ចង្អោរ​
– ឈឺក្បាល​
– ចុកពោះ​
– ទឹកនោម​អ្នកមាន​ពណ៌ ក្រ​ម៉ៅ​ខុស​សព្វដង​
– រាករូស​
– លាមក របស់​អ្នក មាន​ពណ៌ ស ឬ​ស្លេក​ជាង​ធម្មតា​

​ប្រសិនបើ​អ្នក​សង្ស័យថា​អ្នក​ប្រហែលជា​រលាក​ថ្លើម​ដោយសារ​ជាតិពុល​នោះ សូម​ទៅ​ពិគ្រោះ​ជាមួយ​គ្រូពេទ្យ​។ ហើយ​ជាការ​ចាំបាច់​ដែល​អ្នក​ត្រូវ​ទៅ​ជួប​ពេទ្យ​ព្យាបាល​ភ្លាមៗ ប្រសិនបើ​អ្នក​យល់ថា អ្នក​បាន​ប្រើប្រាស់​ថ្នាំ​ប្រភេទ Acetaminophen លើស​កម្រិត ដែល​វា​អាចធ្វើឱ្យ​ថ្លើម​អ្នក​ចុះខ្សោយ​។ អ្នក​ដឹងថា អ្នក​កំពុង​ប្រើប្រាស់​ថ្នាំ​នេះ​លើ​ល​កម្រិត​បាន ដោយ​សង្កេត​លើ​សញ្ញា​សម្គាល់​ខាងក្រោម​៖

– មិន​ឃ្លាន​អាហារ​
– ក្អួត ចង្អោរ​
– ចុកពោះ​ផ្នែក​ខាងលើ​
– សន្លប់​៕​