Join with Health.com.kh on Telegram

​សារធាតុ​គីមី ដែល​យើង​ស្រូប​ចូលក្នុង​ខ្លួន គឺ​សុទ្ធសឹង​តែមាន​ជាតិពុល​លើ​ថ្លើម ដែលជា​មូលហេតុ​អាចឱ្យ​យើង​មាន​ជំងឺ​រលាក​ថ្លើម​។ ជាតិពុល​ទាំងនោះ​ក៏​អាច​បង្ក​ឲ្យ​មាន​ជំងឺថ្លើម​រ៉ាំរ៉ៃ និង​ក្រិន​ថ្លើម ផងដែរ​។ ថ្លើម គឺ ងាយ​នឹងរង​គ្រោះ​ដោយសារ​ធាតុគីមី​ណាស់ ដោយសារ​ថ្លើម​ជា​អ្នក​បំបែក​សារធាតុ​ទាំងនោះ រួមទាំង​ថ្នាំ​មួយចំនួន​ចូលក្នុង​ចរន្តឈាម ហើយ​កម្ចាត់​វា​ចេញ​តាម​ទឹកប្រមាត់ និង​ទឹកនោម​។ តែ​ក៏មាន​សារធាតុ​ខ្លះ អាច​ពុល និង​ធ្វើ​ឲ្យ​ខូចខាត​ដល់​កោសិកា​ថ្លើម​ផ្ទាល់​ផងដែរ​។​

​ខាងក្រោម​នេះ គឺ​សារធាតុពុល​ធ្វើ​ឲ្យ​ថ្លើម​អ្នក​រលាក​៖

–​សារធាតុពុល​ដែល​យើង​អាច​ដឹង​មុន​បាន​៖ សារធាតុ​យើង​អាច​ដឹង​មុន​ថា ពេលដែល​យើង​ប្រើ ឬ​ប៉ះពាល់​វា ក្នុង​កម្រិត​ណាមួយ អាចធ្វើ​ឲ្យ​រលាក​ថ្លើម​បាន រួមមាន សារធាតុ​សម្អាត ឬ​រំលាយ ជាតិ Carbon tetrachloride និង​ថ្នាំ​បំបាត់​ការឈឺចាប់​មួយចំនួន​។​

– សារធាតុពុល​ដែល​មិនអាច​ដឹង​មុន​បាន​៖ វា​អាចធ្វើ​ឲ្យ​ថ្លើម​របស់​អ្នក​រលាក​បាន ដោយ​គ្រាន់តែ​ប៉ះពាល់​វា​ក្នុង​កម្រិត​តិចតួច​ប៉ុណ្ណោះ ដូចជា ពពួក​ថ្នាំ​ដែល​អ្នក​មិន​យល់ច្បាស់​ពី​វា ហើយក៏​អាស្រ័យ​លើ​អង់ស៊ីម​របស់​អ្នក​ដែល​ប្រើ​ទៅ​បំបែក​សារធាតុ​នោះ​ផងដែរ​៕