Join with Health.com.kh on Telegram

ចង់បំបាត់អាការៈឈឺក្បាលដោយមិនចាំបាច់លេបថ្នាំមែនទេ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) មិនពិបាកឡើយ! គួរធ្វើបែបណាទៅ? កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីភេសជ្ជៈមួយចំនួនដែលមានប្រសិទ្ធភាពបំបាត់អាការៈឈឺក្បាល​បានយ៉ាងឆាប់រហ័ស ៖

១. តែខ្ញី

ខ្ញីមានផ្ទុកលក្ខណៈសម្បត្តិប្រឆាំងការរលាកក្នុងសសៃឈាមនៃក្បាលដែលអាចជួយបំបាត់ការឈឺក្បាលគួរឱ្យកត់សម្គាល់។ អ្វីដែលគួរឱ្យកត់សម្គាល់ថែមទៀតនោះ គឺខ្ញីក៏ជួយសម្រួលការរំលាយអាហារបំបាត់អាការៈចង់ក្អួតដែលច្រើនកើតឡើងអមមកជាមួយបញ្ហាឈឺក្បាលប្រកាំងផងដែរ។

២. តែជីអង្កាម

ប្រសិនបើអ្នកមិនចេះ ឬចូលចិត្តទទួលទានតែខ្ញីទេនោះ ចូរជ្រើសតែជីអង្កាមជំនួសក៏បានដោយវាមានប្រសិទ្ធភាពដូចគ្នា។

៣. តែបៃតង

ភាគច្រើននៃពួកយើងប្រហែលជាមិនធ្លាប់ដឹងទេថាតែបៃតងក៏មានប្រសិទ្ធភាពខ្ពស់ក្នុងការបំបាត់អាការៈឈឺក្បាលផងដែរ។ ដូច្នេះកុំភ្លេចទទួលទានតែបៃតងក្ដៅឧណ្ហៗ ១ ពែងនៅពេលឈឺក្បាល។

៤. តែឈើអែម

លក្ខណៈសម្បត្តិប្រឆាំងអុកស៊ីតកម្មនិងប្រឆាំងការរលាកដែលវាមានផ្ទុក ព្រមទាំងក្លិនឈ្ងុយនៃឈើអែមអាចជួយបំបាត់អាការៈឈឺក្បាលបានយ៉ាងឆាប់រហ័ស ពិសេសអាការៈឈឺក្បាលបណ្ដាលមកពីផ្ដាសាយ។

៥. តែផ្កា Chamomile

អ្នកគួរទទួលទានតែផ្កា Chamomile ប្រសិនបើចង់បំបាត់អាការៈឈឺក្បាលដែលបណ្ដាលមកពីប្រតិកម្មអាឡែកស៊ី ឬឈឺក្រពះ។

៦. តែក្រូចឆ្មារក្ដៅឧណ្ហៗ

មិនត្រឹមតែជួយបន្សាបជាតិពុលក្នុងរាងកាយ និងពង្រឹងប្រព័ន្ធភាពស៊ាំប៉ុណ្ណោះទេ ប៉ុន្តែទឹកក្រូចឆ្មារក្ដៅឧណ្ហៗក៏អាចបំបាត់អាការៈឈឺក្បាលបានយ៉ាងប្រសើរផងដែរ។ អ្វីដែលអ្នកត្រូវធ្វើ គឺគ្រាន់តែទទួលទានទឹកក្រូចឆ្មារក្ដៅឧណ្ហៗមួយកែវជាការស្រច៕