ចំនួនអ្នកស្លាប់នៅទូទាំងពិភពលោកដោយសារវីរុសកូរ៉ូណា បានកើនឡើងដល់ ២ លាននាក់ កាលពីថ្ងៃសុក្រ ដោយអឺរ៉ុបទទួលបានការឆ្លងចំនួន ៣០ លាននាក់ ហើយអ្នកជំនាញរបស់អង្គការសុខភាពពិភពលោក កំពុងធ្វើការណែនាំ ដើម្បីប្រយុទ្ធប្រឆាំងនឹងប្រភេទថ្មីនៃជំងឺឆ្លងនេះ។
ចំនួនអ្នកស្លាប់កើនឡើង ១,៩៩៤.៨៣៣នាក់ ត្រូវបានផ្គូរផ្គងដោយការរីករាលដាលនៃការឆ្លងនៅអឺរ៉ុបមាន ៣០.០០៣.៩០៥ករណី ដែលជិតមួយភាគបីនៃចំនួនសរុបទូទាំងពិភពលោក។
បន្ថែមទៅនឹងដំណើរការនៃព្រឹត្តិការណ៍ដ៏គួរឱ្យភ័យខ្លាចប្រទេសអាឡឺម៉ង់ ដែលជាប្រទេសមានសេដ្ឋកិច្ចធំជាងគេនៅអ៊ឺរ៉ុបមានអ្នកឆ្លងចំនួនពីរលាននាក់។
ប្រទេសព័រទុយហ្កាល់ បានឈានដល់ការបិទប្រទេសសាជាថ្មីកាលពីថ្ងៃសុក្រ ខណៈប្រទេសអង់គ្លេសបានចាប់ផ្តើម តម្រូវឱ្យមានការធ្វើតេស្តអវិជ្ជមានសម្រាប់ការចូលទៅកាន់ប្រទេសនេះ ហើយការហាមឃាត់ថ្មីៗលើប្រជាជនត្រូវបានប្រកាសពីប្រទេសប្រេស៊ីលដល់ប្រទេសលីបង់។
អធិការបតីអាល្លឺម៉ង់ លោកស្រី Angela Merkel កំពុងជំរុញឱ្យមានការរឹតបន្តឹងដ៏សំខាន់ដើម្បីកាត់បន្ថយអត្រាឆ្លង ខណៈប្រទេសដែលមានប្រជាជនច្រើនបំផុតនៅសហភាពអ៊ឺរ៉ុបបានបន្ថែមករណីថ្មីជាង ២២.០០០ ករណី៕