Join with Health.com.kh on Telegram

​ពេលវេលា​ដែល​អ្នកត្រូវការ​ដើម្បី​រំលាយ​ចំណីអាហារ ចាប់ពី​ពេលដែល​អ្នក​ដាក់​វា​ចូលក្នុង​មាត់ ដល់ពេល​ដែល​អ្នក​បញ្ចេ​ញ​វា​មកវិញ គឺ​អាស្រ័យ​លើ​កត្តា​ជាច្រើន​។ យោងតាម​គេហទំព័រ MedlinePlus ដែលជា​ប្រភព​នៃ​បណ្ណាល័យ​វេជ្ជសាស្ត្រ​ជាតិ​អាមេរិក​បានអោយដឹងថា “​ជាទូទៅ​ដំណើរការ​នេះ ជួនកាល​ត្រូវបាន​គេ​សំដៅ​ទៅលើ​ពេលវេលា​នៃ​ការប្តូរ​ពោះវៀន​របស់​អ្នក​” ។ វេជ្ជបណ្ឌិត Rabia De Latour, MD អ្នកជំនាញ​ផ្នែក​ក្រពះ​ពោះវៀន​នៅ NYU Langone បានបញ្ជាក់​យ៉ាង​ដូច្នេះ​។ អ្នកស្រី​បន្ថែមថា​៖ “​វា​ខុសគ្នា​ចំពោះ​មនុស្ស​គ្រប់គ្នា​”​។​

​រឿង​ជាច្រើន​អាចជា​កត្តា ធ្វើឱ្យ​ពេលវេលា​ខុសគ្នា រវាង​មនុស្ស ប៉ុន្តែ​សម្រាប់​អ្នក​ចាប់​ផ្តើមដំបូង ប្រភេទ​អាហារ ដែល​អ្នក​កំពុង​ញ៉ាំ​ដើរតួនាទី​យ៉ាងសំខាន់​។ វេជ្ជបណ្ឌិត​ខាងលើ មានប្រសាសន៍ថា អាហារ​ដែលមាន​ជាតិ​សរសៃ​ខ្ពស់ អាច​បង្កើនល្បឿន​ដល់​ការរំលាយ​អាហារ​របស់​អ្នក​។ គាត់​បន្ថែមទៀតថា អាហារ​សាមញ្ញៗ (​គិតថា​៖ អាហារ​មិន​កែច្នៃ​) គឺ​ងាយ​រំលាយ ដោយឡែក​អាហារ​កែច្នៃ វា​កាន់តែ​ពិបាក​សម្រាប់​រាងកាយរ​បស់​អ្នក​ក្នុងការ​បំបែក​សារធាតុ​គីមី​ស្មុគស្មាញ​។

​អ្នកជំនាញ​ផ្នែក​ក្រពះ​ពោះវៀន​រូបនេះ បាន​បញ្ជាក់ថា “​ជាតិ​ស្ករ​ស្មុគស្មាញ អាហារ​ដែលមាន​ជាតិ​ខ្លាញ់​ខ្ពស់ និង​អាហារ​មាន​ជាតិ​ប្រូតេអ៊ីន​ខ្ពស់​នឹង​ត្រូវការ​ពេល​យូរ​”​។ គាត់​សង្កត់ធ្ងន់ថា គួរកត់សំគាល់​ផងដែរ​ថា​ប្រព័ន្ធ​រំលាយ​អាហារ​របស់​អ្នក​ថយចុះ​ទៅតាម​អាយុ​៕​