ចង់កម្ចាត់មុនក្បាលខ្មៅលើចង្កាមិនពិបាកឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គួរធ្វើបែបណាទៅ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗកម្ចាត់មុនក្បាលខ្មៅលើចង្កា ៖
១. រមៀត
អ្វីដែលអ្នកត្រូវធ្វើ គឺគ្រាន់តែលាយម្សៅរមៀត ១ ស្លាបព្រាបាយជាមួយទឹកធម្មតា ឬប្រេងដូង ដើម្បីឱ្យក្លាយជាល្បាយខាប់ៗ។ លាបល្បាយលើតំបន់ស្បែកដែលមានបញ្ហាដោយសារមុនក្បាលខ្មៅ។ រងចាំសម្រាប់រយៈពេលពី ១០ ទៅ ១៥ នាទី សឹមលាងសម្អាតចេញ។
២. រូបមន្តទឹកឃ្មុំនិងទឹកដោះគោស្រស់
អ្វីដែលអ្នកត្រូវធ្វើ គឺគ្រាន់តែលាយទឹកដោះគោស្រស់ ១ ស្លាបព្រាកាហ្វេ ជាមួយទឹកឃ្មុំ ១ ស្លាបព្រាបាយ។ កូរឱ្យសព្វ សឹមដាក់ល្បាយកម្ដៅឱ្យរលាយចូលគ្នាសម្រាប់រយៈពេលពី ២ ទៅ ៣ វិនាទី។ ទុកឱ្យល្បាយចុះត្រជាក់សិន សឹមលាបលើកន្លែងដែលទទួលរងផលប៉ះពាល់។ បន្ទាប់មកប្រើប្រាស់ក្រដាសជូតមាត់ដែលមានសភាពរឹងបន្តិចសង្កត់ពីលើ។ ទុកឱ្យស្ងួតសម្រាប់រយៈពេលប្រហែល ២០ នាទី។ សឹមបកចេញថ្នមៗនិងលាងសម្អាតចេញជាមួយទឹកត្រជាក់។
៣. រូបមន្តតែបៃតង
លាយស្លឹកតែបៃតងស្ងួតក្រៀម ១ ស្លាបព្រាកាហ្វេជាមួយទឹកធម្មតា ១ ស្លាបព្រាកាហ្វេ និងលាបម៉ាស្សាវាលើតំបន់ស្បែកដែលទទួលរងផលប៉ះពាល់សម្រាប់រយៈពេល ៣ នាទី។ បន្ទាប់មកលាងសម្អាតចេញ និងប្រើប្រាស់ផលិតផលផ្ដល់សំណើមដល់ស្បែក។ អ្នកអាចអនុវត្តរូបមន្តនេះបានពី ២ ទៅ ៣ ដងក្នុងមួយសប្តាហ៍។
៤. រូបមន្តទឹកក្រូចឆ្មារស្រស់
អ្វីដែលអ្នកត្រូវធ្វើ គឺសម្អាតមុខឱ្យស្អាតជាមុនសិន សឹមជូតផ្ដិតថ្នមៗឱ្យស្ងួត។ បន្ទាប់មកបន្តក់ទឹកក្រូចឆ្មារស្រស់ក្នុងបរិមាណសមល្មមលើដុំសំឡី រួចផ្អឹបវាលើមុនក្បាលខ្មៅសម្រាប់រយៈពេលពី ២ ទៅ ៣ នាទី។ អនុវត្តបានច្រើនដងតាមតម្រូវការ រួចប្រើប្រាស់ទឹកក្ដៅឧណ្ហៗលាងសម្អាតចេញ។
៥. រូបមន្តផ្នែកពណ៌សនៃស៊ុត
អ្នកត្រូវលាងសម្អាតមុខឱ្យស្អាតជាមុនសិន សឹមផ្ដិតថ្នមៗឱ្យស្ងួតតាមក្រោយ។ លាបផ្នែកពណ៌សនៃស៊ុតដែលកូរវឹករួចលើចង្កា បន្ទាប់មកដាក់ក្រដាសជូតមាត់រឹងមួយបន្ទះពីលើ ហើយលាបផ្នែកពណ៌សនៃស៊ុតថែមមួយជាន់ទៀត។ ទុកចោលរហូតដល់ស្ងួត សឹមបកចេញថ្នមៗ។
៦. រូបមន្តទឹកឃ្មុំនិងម្សៅឈើអែម
ជាដំបូងត្រូវសម្អាតចង្កាឱ្យស្អាតសិន បន្ទាប់មកលាងម្សៅឈើអែម ១ ស្លាបព្រាកាហ្វេជាមួយទឹកឃ្មុំ ១ ស្លាបព្រាបាយ។ លាបល្បាយលើចង្កាកន្លែងដែលមានមុនក្បាលខ្មៅ បន្ទាប់មកបិតក្រដាសជូតមាត់ដែលមានសភាពរាងរឹងបន្តិចពីលើមួយជាន់។ ទុកចោលសម្រាប់រយៈពេលប្រហែល ២០ នាទី ឬរហូតដល់ស្ងួត សឹមបកចេញថ្នមៗ៕