វេបសាយhealth.com.kh នឹងបង្ហាញអ្នកពីអ្វីដែលកូនប្រសារមិនគួរធ្វើពេលដែលរស់នៅជាមួយម្តាយក្មេក ព្រោះអាចធ្វើឲ្យគេស្អប់អ្នកខ្លាំង។ តើមានអ្វីខ្លះទៅ?
- អ្នកមិនត្រូវស្រែកដាក់ម្តាយក្មេកនៅពេលដែលឈ្លោះគ្នាទេ ព្រោះជាការមិនគោរព ដោយធ្វើឲ្យគេមើលងាយដល់ម្តាយអ្នកទៀតផង ថាមិនចេះប្រដៅអ្នក។ ជាងនេះទៅទៀត អ្នកមិនត្រូវរកជំនួយមកជួយទេ អ្នកត្រូវតែរៀនដោះស្រាយបញ្ហាដោយខ្លួនឯងដោយនិយាយថ្នមៗហើយបកស្រាយប្រាប់ម្តាយក្មេក។
- អ្នកមិនត្រូវដើរនិយាយបង្អាប់ពីចំនុចខ្សោយរបស់ម្តាយក្មេកអ្នកប្រាប់អ្នកដទៃឬនៅចំពោះមុខគាត់ទេ ព្រោះវាជាទង្វើឈ្លើយ ហើយធ្វើឲ្យគាត់កាន់តែមិនចូលចិត្តអ្នក។
- កូនប្រសារដែលមិនទុកម្តាយក្មេកនៅក្នុងកែវភ្នែក មានន័យថាគិតតែខ្លួនឯងត្រូវជានិច្ច ហើយធ្វើអ្វីតាមតែចិត្តចង់មិនសួរគាត់សូម្បីតែបន្តិច។ អ្នកគួរតែចៀសកុំធ្វើជាកូនប្រសារប្រភេទនេះ ទើបអាចកាត់បន្ថយភាពស្អប់របស់ម្តាយក្មេកចំពោះអ្នក។
- អ្នកមិនត្រូវធ្វើមុខស្អុយរាល់ថ្ងៃទេ ព្រោះម្តាយក្មេកអាចយល់ថាអ្នកមិនពេញចិត្តនឹងគាត់។ ដូចនេះ មិនថាអ្នកពិបាកចិត្តបែបណាឡើយ អ្នកគួរតែញញឹមជានិច្ច ដើម្បីរក្សាចិត្តរបស់គាត់។
- អ្នកមិនត្រូវប្រើពាក្យមិនសមរម្យដូចជាពាក្យគម្រោះគម្រើយ ឬឈ្លើយនិយាយជាមួយគាត់ទេ ព្រោះវាជាទង្វើដែលមានតែក្មេងពៀរទេដែលធ្វើបែបនេះ។ ដូចនេះបើអ្នកអាចចៀសវាងកុំប្រព្រឹត្តចំណុចទាំង៥ខាងលើនេះ អ្នកនឹងមានទំនាក់ទំនងល្អជាមួយម្តាយក្មេកអ្នក៕