Join with Health.com.kh on Telegram

ពិតណាស់ការទទួលទានតែអាចបណ្ដាលឱ្យធ្មេញប្រែជាពណ៌លឿង ឬត្នោត។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) នេះក៏ព្រោះតែទឹកតែមានផ្ទុកអាស៊ីត tannic ច្រើនជាងកាហ្វេដែលនាំឱ្យភេសជ្ជៈនេះងាយបង្កស្នាមប្រឡាក់ជាប់ធ្មេញជាង។ ប៉ុន្តែមិនមែនមានន័យថាអ្នកចាំបាច់គួរបញ្ឈប់ការទទួលទានតែម្ដងឡើយ។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងគន្លឹះងាយៗ ប៉ុន្តែមានប្រសិទ្ធភាពខ្ពស់ជួយកម្ចាត់ស្នាមប្រឡាក់ជាប់ធ្មេញ ៖

១. ដុសធ្មេញជាមួយម្សៅ Baking Soda

អ្វីដែលអ្នកត្រូវធ្វើ គឺគ្រាន់តែជ្រលក់ច្រាស់ដុសធ្មេញក្នុងប្រអប់ម្សៅ Baking Soda ហើយចាប់ផ្ដើមយកមកដុសសម្អាតធ្មេញថ្នមៗ។ ទោះជាយ៉ាងណាមិនត្រូវដុសសម្អាតធ្មេញជាមួយម្ស៉ៅ baking soda លើសពី ១ ដង ក្នុងមួយសប្តាហ៍ឡើយព្រោះវាអាចបណ្ដាលឱ្យខូចកាចាធ្មេញ។ អ្នកក៏អាចលាយម្សៅ Baking soda ជាមួយអំបិលផងដែរ។ រូបមន្តនេះមិនត្រឹមតែជួយធ្វើអោយធ្មេញសប៉ុណ្ណោះទេ ប៉ុន្តែក៏ជួយកម្ចាត់កំណកកំបោរជាប់ធ្មេញផងដែរ! អ្វីដែលអ្នកត្រូវធ្វើ គឺគ្រាន់តែលាយម្ស៉ៅ baking soda ចំនួន ១ ស្លាបព្រាបាយ ជាមួយអំបិលមួយច្បិចដៃ ហើយដាក់ល្បាយនេះលើច្រាសដុសធ្មេញ រួចចាប់ផ្ដើមដុសសម្អាតធ្មេញរបស់អ្នកជាមួយល្បាយនេះដូចធម្មតាជាការស្រេច។

២. ឧស្សាហ៍ទទួលទានស្ត្របឺរី

ជាតិអាស៊ីតកម្រិតស្រាលនៃស្ត្រេបឺរីជួយកម្ចាត់ស្នាមប្រឡាក់លឿង ឬត្នោតជាប់ធ្មេញបានយ៉ាងប្រសើរ។ ការទទួលផ្លែឈើនេះជាប្រចាំក៏ល្អសម្រាប់សុខភាពអញ្ចាញផងដែរ ដោយវាមានផ្ទុកសម្បូរទៅដោយវីតាមីន C។

៣. ប្រើប្រាស់សំបកក្រូច

មុនពេលចូលគេង ចូរយកសំបកក្រូចផ្នែកខាងក្នុងមកដុសលើធ្មេញ។ ការធ្វើបែបនេះនឹងជួយកម្ចាត់ស្នាមប្រឡាក់ដែលទឹកតែអាចបន្សល់ទុកជាប់ធ្មេញគួរឱ្យកត់សម្គាល់។

៤. ទទួលទានផ្លែប៉ោម ឬផ្លែសេរ៊ី

ការខាំនិងទំពារផ្លែប៉ោម ឬផ្លែសេរ៊ីពិតជាល្អណាស់ក្នុងការកម្ចាត់ស្នាមប្រឡាក់ជាប់ធ្មេញ។ នេះក៏ព្រោះតែផ្លែប៉ោមនិងផ្លែសេរ៊ីមានផ្ទុកសម្បូរទៅដោយជាតិសសៃដែលជួយសំអាតស្នាមប្រឡាក់ជាប់ផ្ទៃខាងក្រៅនៃធ្មេញរាល់ពេលអ្នកទំពារ។ ផ្លែឈើនេះក៏ជាប្រភពដ៏ល្អបំផុតមួយនៃជាតិទឹកដែលជួយសម្អាតពេញក្នុងមាត់ រួមទាំងធ្មេញផងដែរ។

៥. ប្រើប្រាស់ខ្ញីនិងអំបិល

អ្វីដែលអ្នកត្រូវធ្វើ គឺគ្រាន់តែកិនខ្ញីមួយដុំតូចឱ្យម៉ដ្ឋ រួចបន្ថែមអំបិល ១ចុងស្លាបព្រាកាហ្វេចូល និងបន្ថែមទឹកក្រូចឆ្មារស្រស់បន្តិច។ កូរឱ្យសព្វ សឹមប្រើប្រាស់ល្បាយជាថ្នាំដុសធ្មេញ។ អ្នកមិនគួរអនុវត្តរូបមន្តខាងលើលើសពី ២ ទៅ ៣ ដងក្នុងមួយសប្តាហ៍សម្រាប់រយៈពេលច្រើនជាង ៥ សប្តាហ៍ឡើយ។ ប្រសិនបើកំឡុងពេលអនុវត្តអ្នកជួបប្រទះអាការៈឈឺចាន់ ឬស្រៀវធ្មេញខ្លាំង ចូរបញ្ឈប់ការអនុវត្តភ្លាម៕