កង្វះអនាម័យមាត់ធ្មេញជាមូលហេតុចម្បងបំផុតមួយដែលបណ្ដាលឱ្យអណ្ដាតគ្មានសុខភាពល្អនិងគួរឱ្យខ្ពើម។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អ្វីដែលគួរឱ្យរំខានថែមទៀតនោះ គឺច្រាំងអណ្ដាតពណ៌សៗ ឬលឿងលើផ្ទៃអណ្ដាតអាចបង្កក្លិនខ្យល់ដង្ហើមមិនល្អថែមទៀតផង។ ទោះជាយ៉ាងណាកុំបារម្ភ! ថ្ងៃនេះវេបសាយ Health.com.kh នឹងបង្ហាញឱ្យដឹងពីគន្លឹះងាយៗជួយឱ្យអណ្ដាតមានសុខភាពល្អ ហើយពណ៌ផ្កាឈូកស្អាត ៖
១. កុំភ្លេចប្រើប្រាស់ឧបករណ៍កោសសម្អាតអណ្ដាត
បើប្រៀបធៀបទៅនឹងច្រាសដុសធ្មេញ ឧបករណ៍កោសសម្អាតអណ្ដាត គឺមានប្រសិទ្ធភាពខ្ពស់ជាងក្នុងការសម្អាតអណ្ដាត។ ដូច្នេះកុំភ្លេចប្រើប្រាស់ឧបករណ៍សម្អាតអណ្ដាតលើអណ្ដាតនៅរាល់ពេលដុសសម្អាតធ្មេញ។
២. ម្សៅ Baking Soda
អ្វីដែលអ្នកត្រូវធ្វើ គឺគ្រាន់តែរោយម្សៅ Baking soda ខ្លះលើច្រាសដុសធ្មេញដែលសើមនិងប្រើប្រាស់វាដុសសម្អាតអណ្ដាត។ អ្នកក៏អាចលាយទឹកក្រូចឆ្មារស្រស់ប៉ុន្មានដំណក់ជាមួយម្សៅ Baking soda ផងដែរដើម្បីបង្កើនប្រសិទ្ធភាពនៃការសម្អាត។ ចុងក្រោយខ្ពុរមាត់ចេញជាមួយទឹកធម្មតាជាការស្រេច។
២. អំបិល
រោយអំបិលលើច្រាសដុសធ្មេញសើមនិងប្រើប្រាស់វាដុសសម្អាតអណ្ដាតថ្នមៗ។ អ្នកក៏អាចអាចលាយអំបិល ១ ស្លាបព្រាកាហ្វេក្នុងទឹកក្ដៅឧណ្ហៗមួយកែវដើម្បីខ្ពុរមាត់សម្អាតអណ្ដាតផងដែរ។ វិធីនេះក៏ជួយកម្ចាត់ក្លិនមាត់មិនល្អផងដែរ។
៣. ប្រេងដូង
ជ្រលក់ច្រាស់ដុសធ្មេញក្នុងប្រេងដូង រួចប្រើវាដុសសម្អាតអណ្ដាតជាការស្រេច។ ខ្ពុរសម្អាតមាត់ចេញជាមួយទឹកធម្មតា។ អ្នកក៏អាចលាបប្រេងដូងលើអណ្ដាតដែលបានសម្អាតស្អាតរួច ហើយទុកចោលបែបនេះដើម្បីកាត់បន្ថយការរលាកនិងភាពស្ងួតនៃមាត់។
៤. ប្រទាលកន្ទុយក្រពើ
អ្វីដែលអ្នកត្រូវធ្វើ គឺខ្ពុរមាត់ជាមួយទឹកប្រទាលកន្ទុយក្រពើស្រស់ឱ្យបានរយៈពេលពី ២ ទៅ ៣ នាទីសិន សឹមខ្ជាក់ចេញ។
៥. រមៀត
លាយទឹកក្រូចឆ្មារស្រស់បន្តិចជាមួយម្សៅរមៀតរហូតក្លាយជាល្បាយខាប់ៗ។ ប្រើប្រាស់ល្បាយនេះដើម្បីស្អាតលើអណ្ដាត។ អ្នកក៏អាចលាយម្សៅរមៀតកន្លះស្លាបព្រាកាហ្វេក្នុងទឹកមួយកែវ រួចកូរឱ្យសព្វ ហើយប្រើប្រាស់ជាទឹកខ្ពុរមាត់។
៦. ទទួលទានយ៉ាអួរសុទ្ធ
មិនត្រឹមតែជួយឱ្យអណ្ដាតមានពណ៌ស្រស់ស្អាតនិងសុខភាពល្អប៉ុណ្ណោះទេ ប៉ុន្តែការទទួលទានយ៉ាអួរសុទ្ធក៏ជួយកម្ចាត់ក្លិនមាត់មិនល្អផងដែរ។
៧. ទទួលទានតែបៃតង
ការទទួលទានតែបៃតងជាវិធីដ៏ល្អនិងងាយបំផុតមួយដើម្បីរក្សាអណ្ដាតឱ្យស្អាត។ តែបៃតងក៏ជួយកាត់បន្ថយបាក់តេរីក្នុងមាត់កម្ចាត់ក្លិនខ្យល់ដង្ហើមមិនល្អផងដែរ។
៨. ទទួលទានទឹកឱ្យបានច្រើនគ្រប់គ្រាន់
ចូរព្យាយាមទទួលទានទឹកឱ្យបានយ៉ាងហោចណាស់ ២ លីត្រក្នុងមួយថ្ងៃជាប្រចាំដើម្បីរក្សាជាតិទឹកគ្រប់គ្រាន់ក្នុងរាងកាយ។ ហើយនេះក៏ជាអ្វីមួយដែលជួយរក្សាសុខភាពអណ្ដាតល្អប្រសើរគួរឱ្យកត់សម្គាល់ដោយទឹកជួយកម្ចាត់បាក់តេរីលើអណ្ដាត។
១០. ឈប់ជក់បារី
អ្នកក៏គួរផ្ដាច់បារីផងដែរប្រសិនបើចង់រក្សាបាននូវសុខភាពរាងកាយទាំងមូលល្អប្រសើរ ជាពិសេសក្លិនខ្យល់ដង្ហើមស្រស់ថ្លា។ នោះក៏ព្រោះតែការជក់បារីអាចបង្កើនហានិភ័យនៃបញ្ហាមាត់ធ្មេញគួរឱ្យព្រួយបារម្ភ៕