កាលពី​ថ្ងៃ​ព្រហស្បតិ៍ រដ្ឋាភិបាល​បាន​រាយការណ៍​ពី​ករណី Covid-19 ថ្មី​ចំនួន ៣០៥ ករណី គឺ​ការឆ្លង​មេរោគ​ក្នុង​តំបន់​ចំនួន ១៩៣​ករណី​, ១០៩​ករណី​ពី​ការធ្វើ​តេ​ស្តិ៍​សកម្ម និង​នាំចូល​៣​នាក់​។​

​អ្នកនាំពាក្យ​មជ្ឈមណ្ឌល​គ្រប់គ្រង​ស្ថានភាព Covid-19 បាន​និយាយថា​ការស្លាប់​ចុងក្រោយ​គឺ​បុរស​ជនជាតិ​ថៃ​ម្នាក់​អាយុ ៨៨ ឆ្នាំ​ដែលមាន​ជំងឺមហារីក និង​កំពុង​ដេក​លើ​គ្រែ​ផងដែរ​។ គាត់​បាន​ឆ្លង Covid-19 ពី​កូនប្រុស​របស់គាត់​ដែល​បាន​ស្ថិតនៅក្នុង​តំបន់ ដែលមាន​គ្រោះថ្នាក់​នៅ​ខេត្ត​រ៉ាក់យ៉ង​។ កូនប្រុស​បានមក​លេង​គាត់​នៅផ្ទះ​នៅ​ថ្ងៃទី​២២ ធ្នូ ២០២០ ក្រោយមក​ត្រូវបាន​ពិនិត្យឃើញថា​មាន​ផ្ទុកមេរោគ​ហើយ​ត្រូវបាន​បញ្ជូនទៅ​មន្ទីរពេទ្យ​នៅ​រ៉ាក់យ៉ង​។​

​នៅ​ថ្ងៃទី ២ ខែមករា ២០២១ បុរស​ចំណាស់​បានចាប់ផ្តើម​ក្អក ដោយមាន​រោគ​ស្លេក​ខ្លាំង រាគ និង​គ្រុនក្តៅ​។ គាត់​បានធ្វើ​តេស្ត​វិជ្ជមាន​នៅ​ថ្ងៃ​បន្ទាប់​។ អ្នកនាំពាក្យ​បាន​និយាយថា​ស្ថានភាព​របស់គាត់​កាន់តែ​យ៉ាប់យ៉ឺន​នៅ​ថ្ងៃទី​៤ មករា ហើយ​គាត់​បាន​ស្លាប់​នៅ​ព្រឹក​ថ្ងៃ​ពុធ​។​

​ករណី​ថ្មី​ក្នុង​រយៈពេល ២៤ ម៉ោង​មុន​រួមមាន ៤៦ នៅ​ទីក្រុង​បាងកក​, ៣៧ នៅ​សាមុត​សា​ខន​, ២៧ នាក់​នៅ​ឈុន​បូរី​, ២៥ នាក់​នៅ​សាមុត​ប្រា​កាន​, ២៣ នាក់​នៅ​រ៉ាក់យ៉ង​, ៨ នាក់​នៅ​ច័ន្ទបូរី​។​

​ការធ្វើ​តេ​ស្តិ៍​យ៉ាងសកម្ម​រកឃើញ​ករណី​ថ្មី​ចំនួន ១០៩ ករណី​នៅ​សាមុត​សា​ខន​។ ក្នុងនោះ ១០៧ នាក់​ជា​ជន​ចំណាកស្រុក​។ ការឆ្លង​នាំចូល ៣ នាក់ មាន​មកពី​ប្រទេស​រុស្ស៊ី ទួរគី និង​មី​យ៉ាន់​ម៉ា​៕​