Join with Health.com.kh on Telegram

គ្មាននរណាម្នាក់ចង់បានសក់ស្ងួតឆាប់បែកចុងឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គួរធ្វើបែបណាទៅបើបញ្ហានេះកើតមានឡើង? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗព្យាបាលសក់ស្ងួត ៖

១. រូបមន្តទឹកឃ្មុំ

អ្វីដែលអ្នកត្រូវធ្វើ គឺគ្រាន់តែប្រើប្រាស់ទឹកឃ្មុំលាបលើសក់ដូចក្រែមបន្ទន់ជាការស្រេច។ វិធីនេះនឹងជួយព្យាបាលសក់ស្ងួតដោយផ្ដល់ភាពទន់ភ្លឺរលោង ហើយមានសំណើមដល់សក់។

២. រូបមន្តផ្លែល្ហុង

អ្វីដែលអ្នកត្រូវធ្វើ គឺគ្រាន់តែកិនសាច់ល្ហុងទុំមួយចំនួនឱ្យម៉ដ្ឋចំនួន ២ ស្លាបព្រាបាយ រួចលាយវាជាមួយទឹកឃ្មុំ ២ ស្លាបព្រាបាយ។ លាយចូលគ្នាឱ្យសព្វ សឹមលាបល្បាយលើសក់ និងស្បែកក្បាលសម្រាប់រយៈពេល ១០​នាទី។ រងចាំសម្រាប់រយៈពេលពី ១០ ទៅ ១៥ នាទីទៀត សឹមកក់សម្អាតចេញជាមួយសាប៊ូនិងប្រើក្រែមបន្ទន់ដូចពេលធម្មតា។ អនុវត្តសារឡើងវិញម្ដងក្នុងមួយសប្តាហ៍។

៣. រូបមន្តប្រើប្រាស់ផ្នែកពណ៌លឿងនៃស៊ុត

អ្វីដែលអ្នកត្រូវធ្វើ គឺគ្រាន់តែកូរវឹកស៊ុត ២ គ្រាប់ឱ្យសព្វ សឹមលាបម៉ាស្សាលើស្បែកនិងសក់ដែលសើម។ ទុកចោលសម្រាប់រយៈពេលពី ៣០ ទៅ ៦០ នាទី សឹមលាងសម្អាតចេញជាមួយទឹកត្រជាក់និងកក់សក់ជាមួយសាប៊ូកម្រិតស្រាល។ អនុ​វត្តរូបមន្តនេះឱ្យបានយ៉ាងហោចណាស់ពី ២ ទៅ ៣ ដងក្នុងមួយសប្តាហ៍។

៤. រូបមន្តផ្លែបឺរ

អ្វីដែលអ្នកត្រូវធ្វើ គឺគ្រាន់តែកិនផ្លែបឺរទុំមួយផ្លែឱ្យម៉ដ្ឋ បន្ទាប់មកបន្ថែមស៊ុតមួយគ្រាប់ចូល។ កូរឱ្យសព្វ សឹមលាបពេញលើសក់សើម។ ទុកចោលសម្រាប់រយៈពេល ២០ នាទីសឹមលាងសម្អាតចេញរហូតដល់ជ្រះស្អាត។ អនុវត្តរូបមន្តនេះម្ដងក្នុងមួយសប្តាហ៍។ អ្នកក៏អាចអ្វីដែលអ្នកត្រូវធ្វើ គឺគ្រាន់តែលាយផ្លែបឺរទុំម៉ដ្ឋ ១ ផ្លែ ជាមួយប្រេងអូលីវឱ្យក្លាយជាល្បាយខាប់ៗ។ លាបម៉ាស្សាល្បាយលើសក់និងទុកចោលសម្រាប់រយៈពេល ៣០ នាទី សឹមលាងសម្អាតចេញ។ រូបមន្តនេះនឹងជួយឱ្យសក់ទន់រលោងមានទម្ងន់ ហើយរឹងមាំ។

៥. រូបមន្តទឹកម៉ាយ៉ូណេស

អ្វីដែលអ្នកត្រូវធ្វើ គឺគ្រាន់តែលាបទឹកម៉ាយ៉ូណេសលើសក់សើមនិងទុកចោលសម្រាប់រយៈពេលពី ១០ ទៅ ១៥ នាទីសិន សឹមលាងសម្អាតចេញជាការស្រេច។ កុំភ្លេចប្រើប្រាស់ក្រែមបន្ទន់សក់ដើម្បីរក្សាសំណើម។

៦. រូបមន្តប្រេងអូលីវ

ជាដំបូងត្រូវកម្ដៅប្រេងអូលីវបន្តិចសិន សឹមលាបដុសលើសក់។ បន្ទាប់មកពាក់មួកផ្លាស្ទិកគ្របសក់ឱ្យជិតមុននឹងរុំកន្សែង។ ទុកចោលសម្រាប់រយៈពេល ៤៥ នាទីសឹមកក់សម្អាតចេញនិងប្រើប្រាស់ក្រែមបន្ទន់។

៧. រូបមន្តប្រេងដូង

ជាដំបូងចាក់ប្រេងដូងបន្តិចលើបាតដៃរួចចាប់ផ្ដើមត្រដុសជាមួយបាតដៃម្ខាងទៀតដើម្បីកម្ដៅប្រេងសម្រាប់រយៈពេលពី ២ ទៅ ៣ វិនាទី។ លាបប្រេងពីចុងសក់ដល់គល់។ ទុកចោលយូរប៉ុណ្ណាក៏បាន គ្រាន់តែកុំភ្លេចរុំសក់ក្នុងកន្សែង។ ចុងក្រោយកក់សម្អាតសក់ចេញជាមួយសាប៊ូកម្រិតស្រាលជាការស្រេច។

៨. ទឹកខ្មេះផ្លែប៉ោម

អ្វីដែលអ្នកត្រូវធ្វើ គឺគ្រាន់តែលាយទឹកខ្មេះផ្លែប៉ោមចំនួន ១ ស្លាបព្រាកាហ្វេជាមួយផ្នែកពណ៌សនៃស៊ុត ៣ គ្រាប់និងប្រេងអូលីវ ២ ស្លាបព្រាបាយ។ កូរឱ្យសព្វ សឹមលាបល្បាយលើសក់ រួចពាក់មួកផ្លាស្ទិកឱ្យជិតសម្រាប់រយៈពេល ៣០នាទី។ កក់លាងសម្អាតចេញនិងប្រើប្រាស់ក្រែមបន្ទន់ដូចពេលធម្មតា៕