ទំពាំងបារាំង ជាប្រភេទនៃបន្លែដែលអាចយកទៅច្នៃធ្វើជាម្ហូបបានច្រើនមុខ ហើយកំពុងទទួលបានការពេញនិយមគួរអោយកត់សម្គាល់នាពេលបច្ចុប្បន្ន។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាធ្លាប់ទទួលទាន ប៉ុន្តែអ្នកដែលចាប់អារម្មណ៍ដឹងអំពីអត្ថប្រយោជន៍របស់បន្លែនេះចំពោះសុខភាពឡើយ! ថ្ងៃនេះវេបសាយសុខភាព Health.com.kh នឹងបង្ហាញឲ្យដឹងពីមូលហេតុគួរឱ្យភ្ញាក់ផ្អើលដែលអ្នកគួរចាប់ផ្ដើមទទួលទានទំពាំងបារាំង ៖
១. វាមានផ្ទុកសម្បូរទៅដោយសារធាតុប្រឆាំងអុកស៊ីតកម្ម
ទំពាំងបារាំងមានផ្ទុកសម្បូរទៅដោយសារធាតុប្រឆាំងអុកស៊ីតកម្មដែលមិនត្រឹមតែជួយកម្ចាត់រ៉ាឌីកាល់សេរីទប់ស្កាត់ការបំផ្លាញកោសិកាប៉ុណ្ណោះទេ ប៉ុន្តែក៏ដើរតួនាទីជាភ្នាក់ងារបន្សាបជាតិពុលពីក្នុងរាងកាយផងដែរ។
២. កាត់បន្ថយហានិភ័យនៃជំងឺពុកឆ្អឹង
ទំពាំងបារាំង ជាប្រភពដ៏ប្រសើរនៃវីតាមីន K ដែលមានប្រសិទ្ធិភាពជួយរក្សាសុខភាពឆ្អឹងរឹងមាំ និងថែមទាំងបង្កើនការស្រូបយកនូវជាតិកាល់ស្យូមទៀតផង។ ដូច្នេះទំពាំងបារាំង គឺជាជម្រើសនៃអាហារដ៏ប្រសើរ ដើម្បីទប់ស្កាត់បញ្ហានៃជំងឺពុកឆ្អឹង។
៣. ពង្រឹងប្រព័ន្ធភាពស៊ាំរាងកាយ
បន្លែនេះមានសមត្ថភាពពិសេសម្យ៉ាងជួយរាងកាយក្នុងការបញ្ចេញ និងកម្ចាត់ចោលនូវជាតិពុលផ្សេងៗ ព្រមជាមួយសារធាតុប្រឆាំងអុកស៊ីតកម្មពិសេស គឺវីតាមីន C ដែលធ្វើអោយប្រព័ន្ធភាពស៊ាំកាន់តែមានលក្ខណៈរឹងមាំប្រសើរឡើង។
៤. បង្កើនសុខភាពប្រព័ន្ធរំលាយអាហារ
តាមរយៈបរិមាណនៃជាតិសសៃដែលមានផ្ទុក ការទទួលទានទំពាំងបារាំងជាប្រចាំ គឺប្រសើរណាស់ក្នុងការជួយគ្រប់គ្រងចលនានៃពោះវៀន និងកម្ចាត់ទប់ស្កាត់បញ្ហាទល់លាមក។ ជាតិសសៃក៏ជួយលើកកម្ពស់ការរំលាយអាហារត្រឹមត្រូវ ក៏ដូចជារក្សា និងបង្កើនបាក់តេីល្អៗក្នុងពោះវៀន។ អ្នកជំនាញជាច្រើនបានឲ្យដឹងថា របបអាហារដែលមានផ្ទុកសម្បូរទៅដោយជាតិសសៃអាចជួយកាត់បន្ថយហានិភ័យនៃជំងឺមហារីកពោះវៀនធំ។
៥. កាត់បន្ថយហានិភ័យនៃជំងឺមហារីក
ការទទួលទានទំពាំងបារាំងជាប្រចាំ ក៏មានប្រសិទ្ធិភាពអាចជួយកាត់បន្ថយហានិភ័យនៃជំងឺមហារីកដ៏សាហាវបានផងដែរ។ នោះក៏ព្រោះតែបន្លែនេះមានសារធាតុស៊ុលផួរិច សារធាតុ glutathione និងសារធាតុ anthocyanins ដែលជួយទប់ស្កាត់ហានិភ័យនៃជំងឺមហារីក ក៏ដូចជាទប់ស្កាត់ការរលាកផ្សេងៗដែលផ្សារភ្ជាប់ទៅនឹងការវិវត្តនៃជំងឺមហារីកផងដែរ។
៦. ទប់ស្កាត់ និងកាត់បន្ថយហានិភ័យនៃការសម្រាលកូនមុនកំណត់
ស្ត្រីមានផ្ទៃពោះ គួរដាក់បញ្ចូលទំពាំងបារាំងក្នុងរបបអាហារ។ បន្លែនេះមានផ្ទុកសម្បូរទៅដោយជាតិ folate ដែលជាសារធាតុចិញ្ចឹមជួយទប់ស្កាត់ការសម្រាលកូនមុនកំណត់។ លើសពីនេះទៅទៀត ការរួមបញ្ចូលទំពាំងបារាំង ក៏ជួយទប់ស្កាត់អាការៈទល់លាមកដែលជាបញ្ហាមួយងាយនឹងកើតឡើងចំពោះស្ត្រីមានផ្ទៃពោះផងដែរ។
៧. ធ្វើឱ្យសុខភាពភ្នែកកាន់តែប្រសើរឡើង
វីតាមីន A នៅក្នុងទំពាំងបារាំង គឺជាសារធាតុអុកស៊ីតកម្មមួយដែលមានអត្ថប្រយោជន៍ណាស់សម្រាប់សុខភាពភ្នែក។ វីតាមីន A មានប្រសិទ្ធិភាពជួយទប់ស្កាត់ការបំផ្លាញដល់រ៉េទីនភ្នែក ក៏ដូចជាកាត់បន្ថយហានិភ័យនៃជំងឺភ្នែកផ្សេងៗផងដែរ។
៧. ជួយឱ្យស្រកទម្ងន់
ទំពាំងបារាំងមានផ្ទុកសម្បូរទៅដោយជាតិសសៃដែលជួយដល់ការសម្រកទម្ងន់។ ជាតិសសៃក៏ធ្វើឱ្យអ្នកមានអារម្មណ៍ឆាប់ឆ្អែត និងឆ្អែតបានយូរដែលជួយទប់ស្កាត់ការទទួលទានច្រើនផងដែរ។ ការទទួលទានទំពាំងបារាំងអាចកាត់បន្ថយកម្រិតកូឡេស្តេរ៉ូល និងបង្កើនការរំលាយអាហារសម្រាប់ភាពប្រសើរឡើងនៃចលនាពោះវៀន។
៨. វាជួយប្រភពដ៏ប្រសើរនៃវីតាមីន E
ទំពាំងបារាំងមានផ្ទុកសម្បូរទៅដោយសារធាតុប្រឆាំងអុកស៊ីតកម្ម ហើយមួយក្នុងចំណោមនោះ គឺវីតាមីន E។ សារធាតុប្រឆាំងអុកស៊ីតកម្មនេះជួយពង្រឹងប្រព័ន្ធភាពស៊ាំរាងកាយ ខណៈពេលការពារកោសិកាមិនឱ្យទទួលរងការបំផ្លាញពីសំណាក់រ៉ាឌីកាល់សេរី។ ដើម្បីទទួលបានបរិមាណនៃវីតាមីន E គ្រប់គ្រាន់ពីទំពាំងបារាំង ចូរដុតវាជាមួយប្រេងអូលីវបន្តិច។ រាងកាយអាចស្រូបយកវីតាមីន E បានកាន់តែប្រសើរនៅពេលវាត្រូវបានរួមផ្សំជាមួយជាតិខ្លាញ់ដូចជាប្រេងអូលីវ៕