​តាម​ការសិក្សា​ថ្មី​មួយ​របស់​អង់គ្លេស​បាន​រកឃើញថា ការចូលរួម​ព្រឹត្តិការណ៍​ប្រគុំ​តន្ត្រី​ផ្សាយ​ផ្ទាល់​អាច​កាត់បន្ថយ​កម្រិត​នៃ​ភាព​តានតឹង​ក្នុង​អារម្មណ៍​បាន​។

​ឆ្លង​តាម​សេចក្តីរាយការណ៍​ពី Telegraph បានឲ្យដឹងថា មនុស្ស​ដែល​គេ​ធ្វើ​តេស្ត​ទាំង​មុន​នឹង​ក្រោយពេល​ធ្វើ​តេស្ត ត្រូវបាន​គេ​វាស់​កម្រិត​អ័រម៉ូន Cortisol ដែល​វា​ជា​អ័រម៉ូន​មួយ​ប្រភេទ​ដែល​រាងកាយ​ផលិត​ក្នុងពេល​រាងកាយ និង​ផ្លូវចិត្ត​មាន​ភាព​តានតឹង​។ ក្នុងពេលនោះ​ដែរ ពួកគេ​ត្រូវបា​នឲ្យចូលរួម​មើ​ល​ការប្រគុំ​តន្ត្រី​កន្ត្រាក់​អារម្មណ៍​មួយ​។

ក្នុងពេល​ពួកគេ​មើល​ការប្រគុំ​តន្ត្រី​បាន មួយ​ម៉ោង​រួចមក គេ​ក៏​ធ្វើតេស្ត​ម្តងទៀត ហើយ​លទ្ធផល​រកឃើញ​ថា កម្រិត​អ័រម៉ូន Cortisol មាន​ការថយចុះ​។ ទោះបីជា​យ៉ាងណា​ក៏ដោយ លទ្ធផល​នេះ​នៅ​តែ​រក្សា​បាន​ដដែល​ដោយ​មិន​ខ្វល់​ថា​ពួកគេ​អាយុ​ប៉ុន្មាន ធ្លាប់​ស្តាប់​ចម្រៀង ឬ​ការសម្តែង​ដូចម្តេច​ឡើយ​។ ហេតុដូច្នេះ​ហើយ​ទើប​ធ្វើឲ្យ រាល់​ការប្រគុំ​តន្ត្រី​ទាំងអស់​មាន​ការទាក់ទាញ​អារម្មណ៍​អ្នកចូលរួម​ទស្សនា​យ៉ាងច្រើន​៕