កាសែត Kompas បានរាយការណ៍ថា ប្រទេសឥណ្ឌូនេស៊ីនឹងចាប់ផ្តើមចែកចាយវ៉ាក់សាំង ដែលត្រូវបានបង្កើតឡើងដោយ Sinovac Biotech Ltd របស់ចិន ទៅកាន់ខេត្តទាំង ៣៤ របស់ខ្លួននៅថ្ងៃអាទិត្យនេះ។
អ្នកនាំពាក្យក្រសួងសុខាភិបាលនឹងអនុវត្តការចែកចាយស្របគ្នាជាមួយនឹងការធ្វើតេស្តវ៉ាក់សាំង ដែលផលិតដោយក្រុមហ៊ុនចិននេះ ដោយដកស្រង់សំដីរបស់អ្នកនាំពាក្យ Siti Nadia Tarmizi ។
Kompas បាននិយាយថា ប្រទេសដែលមានប្រជាជនច្រើនបំផុតនៅអាស៊ីអាគ្នេយ៍មួយនេះ មានគោលបំណងចាប់ផ្តើមធ្វើសកម្មភាពជាបន្ទាន់ នៅពេលដែលនិយតករស្បៀងអាហារ និងគ្រឿងញៀន បានអនុម័តវ៉ាក់សាំង និងចេញការអនុញ្ញាតឱ្យប្រើប្រាស់ជាបន្ទាន់។
រដ្ឋមន្ត្រីក្រសួងសុខាភិបាលលោក Budi Gunadi Sadikin បាននិយាយនៅក្នុងសេចក្តីថ្លែងការណ៍មួយកាលពីថ្ងៃសៅរ៍ថា ដំណើរការចាក់វ៉ាក់សាំងថ្នាក់ជាតិរបស់ឥណ្ឌូនេស៊ីនឹងចំណាយពេលប្រហែល ១៥ខែ ដែលអាទិភាពដំបូងត្រូវបានផ្តល់ដល់បុគ្គលិកសុខាភិបាលចំនួន ១,៣លាននាក់របស់ប្រទេសនេះ។
ប្រទេសនេះ បានកត់ត្រាករណីវីរុសកូរ៉ូណាច្រើនជាង ៧៥៨,០០០ករណី គិតត្រឹមថ្ងៃទី២ មករា ដោយមានអ្នកស្លាប់ ២២.៥៥៥នាក់។ អត្រាវិជ្ជមានកំពុងឈានដល់ ៣០%ខ្ពស់ជាងអនុសាសន៍ ៥% របស់អង្គការសុខភាពពិភពលោក ដែលបង្ហាញថាការធ្វើតេស្ត៍មិនទាន់រីករាលដាលគ្រប់គ្រាន់ទេ។
ប្រទេសឥណ្ឌូនេស៊ី បានចុះហត្ថលេខាលើកិច្ចព្រមព្រៀងជាច្រើនជាមួយក្រុមហ៊ុនដែលរួមមានក្រុមហ៊ុន AstraZeneca Plc និង Novavax Inc ខណៈពេលដែលពួកគេកំពុងអភិវឌ្ឍន៍វ៉ាក់សាំង Merah Putih ផ្ទាល់ខ្លួន ដើម្បីធានាថាប្រទេសនេះ មានថ្នាំបង្ការគ្រប់គ្រាន់សម្រាប់ប្រជាជនចំនួន ២៦៨លាននាក់៕