អភិបាលខេត្តរ៉ាឆាបូរីលោក Ronnapop Luangpairote បានប្រកាសកាលពីថ្ងៃសៅរ៍ ថាការឆ្លងកូវីដ-១៩ថ្មីចំនួន៥ ដែលពួកគេសុទ្ធតែមកពីក្រុមគ្រួសារតែមួយ បានចុះបញ្ជីនៅក្នុងខេត្តនេះ។
ករណីថ្មីទាំង ៥ បានបង្កើនចំនួនអ្នកឆ្លងនៅក្នុងខេត្តនេះដល់ ១៦នាក់។ ពួកគេទាំង ៥នាក់សុទ្ធតែ មកពីគ្រួសារតែមួយ ដូចករណីដែលបានរាយការណ៍ពីមុន គឺស្ត្រីម្នាក់ ដែលធ្វើការនៅក្នុងរោងចក្រមួយ ក្នុងខេត្តសាមុតសាខន ដែលជាកន្លែងរលកថ្មីនសជំងឺ កូវីដ-១៩ បានចាប់ផ្តើម។
ពួកគេជាម្តាយក្មេករបស់នាងអាយុ៦៣ឆ្នាំ, ឪពុកក្មេកអាយុ៦៩ឆ្នាំ, ប្តី អាយុ៤២ឆ្នាំ និងកូនប្រុស ២ នាក់ អាយុ១២ឆ្នាំ និង១៧ឆ្នាំ។
ខេត្តរ៉ាឆាបូរី គឺជាខេត្តមួយក្នុងចំណោមខេត្តទាំង ២៨ ដែលត្រូវបានកំណត់ដោយមជ្ឈមណ្ឌលរដ្ឋបាលស្ថានភាព Covid-19 (CCSA) ថាជា “តំបន់ត្រួតត្រាអតិបរិមា” ។
គណៈកម្មាធិការប្រយុទ្ធនឹងជំងឺឆ្លងខេត្តរ៉ាឆាបូរី នឹងរៀបចំការប្រជុំមួយនៅថ្ងៃអាទិត្យ ដើម្បីដាក់ចេញនូវវិធានការណ៍ ដែលត្រូវធ្វើនៅក្នុងខេត្ត ដើម្បីត្រួតត្រា Covid-19៕