តារាសម្ដែង និងបង្ហាញម៉ូដ សារ៉ាយ សក្កណា ព្រមទាំងកូនស្រីត្រូវបានស្វាមីទម្លាយចរិតពិតចេញមកខ្ទេច ក្រោយពីរៀបការ និងរស់នៅជាមួយគ្នាប៉ុន្មានឆ្នាំមកនេះ។
លោក កែវ ប៊ុនមេត្រី ត្រូវជាស្វាមីតួឯកស្រីក្នុងរឿង”ប្រពន្ធឆ្លាត” និយាយថា កូនស្រីខ្លួនអាយុ ៣ឆ្នាំ មានចរិតឫកពាមិនខុសពីប្រពន្ធលោកឡើយ ពេលធំពេញវ័យឡើងដឹងតែចូលសិល្បៈតាមអ្នកម្ដាយដែរហើយ។ ដូច្នេះលោក មិនអាចទៅបង្អាក់ទឹកចិត្តកូនស្រី នៅអ្វីដែលរូបគេស្រឡាញ់នោះទេ មានតែបណ្ដោយទៅតាមចំណងចំណូលចិត្ត។
ក្រៅពីមានចិត្តស្រឡាញ់សិល្បៈដូចអ្នកម្ដាយហើយនោះ កូនស្រីលោកក៏មានចរិតរឹងរូសមិនខុសពីម្ដាយប៉ុន្មានដែរ។ ប្រសិនបើពួកគេចង់បានអ្វីមួយហើយនោះ ត្រូវតែធ្វើឲ្យបានសម្រេចទើបសុខចិត្តទោះបីមានអ្នកណាមកហាមប្រាមក៏មិនស្ដាប់ដែរ។
“ប៉ុន្តែភាពរឹងរួសគាត់ហ្នឹង មិនមែនរឹងរួសក្នុងផ្លូវខុសនោះទេ ដូចពេលខ្លះខ្ញុំបារម្ភខ្លាចគាត់ទៅថតរឿងហត់ មិនចង់ឲ្យគាត់ទៅ តែគាត់នៅតែទៅ ព្រោះគាត់មានការទទួលខុសត្រូវខ្ពស់ចំពោះអ្វីដែលគាត់បានចុះកុងត្រាជាមួយផលិតករ”។ នេះបើតាមលោក ប៊ុន កែវ មេត្រី បន្ថេម។
បើនិយាយពីកូនស្រីលោក វិញឥឡូវកំពុងតែរៀនដើរម៉ូដ និងកាច់ស្ទីលតាមម្ដាយ ទោះបីមិនឲ្យធ្វើក៏រូបគេនៅតែធ្វើដែរ ព្រោះធំឡើងចង់ក្លាយជាអ្នកសិល្បៈដូចភរិយាជាទីស្រឡាញ់របស់ខ្លួន៕
ប្រភព៖ sabay.com.kh