ការស្លាប់មួយបន្ថែមទៀតទាក់ទងនឹង Covid-19 និង ២១៦ ករណីថ្មី ត្រូវបានគេរាយការណ៍នៅថ្ងៃសៅរ៍នេះ ដែលនាំឱ្យមានករណីសរុបដល់ ៧.៣៧៩ករណី និងអ្នកស្លាប់ ៦៤នាក់។
ក្នុងចំណោមករណីថ្មីចំនួន ២១៦ករណី មាន ២១៤ នាក់គឺជាការឆ្លងមេរោគក្នុងស្រុក នេះបើយោងតាមមជ្ឈមណ្ឌលរដ្ឋបាលស្ថានភាព Covid-19 (CCSA) ថៃ។
ការស្លាប់ថ្មីនេះ គឺជាស្ត្រីមានជំងឺទឹកនោមផ្អែម នៅជុនបូរី ដែលបានទៅកន្លែងលេងល្បែង។
ភាគច្រើននៃករណីថ្មី ឫ ១៥៤ករណី កំពុងត្រូវបានស៊ើបអង្កេត។ មាន ២៣ ករណីទៀតបានចូលទៅតំបន់ដែលមានហានិភ័យ ឬធ្លាប់មានទំនាក់ទំនងជាមួយករណីមុនៗ។
ករណីថ្មីចំនួនបី ត្រូវបានផ្សារភ្ជាប់ទៅនឹងចង្កោមសាមុតសាខន និងមួយករណីទៀត ត្រូវបានផ្សារភ្ជាប់ទៅនឹងចង្កោម រ៉ាក់យ៉ង និងឈុនបូរី។
ការស្វែងរកករណីសកម្មក្នុងចំណោមកម្មករចំណាកស្រុកបានរកឃើញ ៣២ករណីផ្សេងទៀតខណៈ ដែល ២ ករណីទៀត ជាការមកដល់នៃការដាច់ដោយឡែក។
ជំងឺនេះ បានរាលដាលដល់ខេត្តចំនួន ៥៣ ដែលភាគច្រើន នៅតំបន់វាលទំនាបកណ្តាល ចាប់តាំងពីកូវីដ-១៩ បានលេចចេញជាថ្មីនៅក្នុងខេត្តចំនួន ៦ នៅពាក់កណ្តាលខែធ្នូ។
ដើម្បីទប់ស្កាត់ការរីករាលដាល CCSA នឹងបង្កើនការគ្រប់គ្រងនៅក្នុងតំបន់ក្រហម ចំនួន២៨ ខេត្ត តំបន់ពណ៌ទឹកក្រូច ចំនួន១១ និងតំបន់លឿង ចំនួន៣៨។
សម្រាប់តំបន់ក្រហមការត្រួតពិនិត្យអតិបរិមានឹងត្រូវដាក់ជាពីរដំណាក់កាលតាមតម្រូវការ៕