តើអ្នកធ្លាប់ឆ្ងល់ឬទេថា តើធ្វើម៉េចទើបទឹកកាមមានសុខភាពល្អ និងប្រកបដោយគុណភាពខ្ពស់ទៅ? ថ្វីបើមិនមានមធ្យោបាយណាមួយដើម្បីអាចដឹងថាកូនទាហ៊ានតូចៗរបស់អ្នកមានសុខភាពល្អតាមរយៈការមើលនឹងភ្នែកនោះ តែអ្នកក៏អាចសង្កេតឃើញដឹងថាពួកគេមានថាមពលខ្លាំងក្លា តាមរយៈការមើលលក្ខណៈសម្បត្តិរបស់ម្ចាស់ទឹកកាមនោះផ្ទាល់ដូចជា៖
រូបរាងមិនមែនមានសាច់ខ្លាំង
នេះអាចជាដំណឹងអាក្រក់មួយសម្រាប់បុរសដែលមានមាឌ ឬសាច់ខ្លាំង។ បើសិនជាអ្នកជាបុរសដែលមានរូបរាងមធ្យម អ្នកពិតជាមានភាពសកម្មខ្លាំងណាស់ហើយចំពោះជីវិតរស់នៅ។ សម្រាប់បុរសដែលមានមុខធំៗ ច្រើនតែទឹកកាមមិនសូវល្អឡើយ។
ចូលចិត្តញ៉ាំអាហារសមុទ្រ
បើសិនជាចូលចិត្តញ៉ាំអាហារសមុទ្រមែននោះ ចូរសម្រួលអារម្មណ៍ទៅ ព្រោះមេជីវិតឈ្មោលអ្នកមានសុខភាពល្អណាស់ហើយ។ អ្នកជំនាញនិយាយថា បុរសដែលចូលចិត្តញ៉ាំសាច់ មិនសូវមានមេជីវិតឈ្មោលល្អដូចអ្នកចូលចិត្តញ៉ាំត្រីឡើយ។ បុរសដែលញ៉ាំត្រីសមុទ្រច្រើន ត្រូវបានគេជឿថា មានទឹកកាមល្អជាងអ្នកញ៉ាំសាច់កៃឆ្នៃរហូតដល់ ៦៥ភាគរយៈឯណោះ។
ចូលចិត្តស្លៀកខោខ្លី
បើសិនជាអ្នកចូលចិត្តស្លៀខោខ្លីៗ ដែលមានខ្យល់អាកាសចេញចូលចិត្ត នោះវាគឺជារឿងល្អជាងការស្លៀកខោតឹងៗ។ សម្រាប់ខោទ្រនាប់ដែលតឹងៗច្រើនតែបំផ្លាញភាពខ្លាំងក្លាយរបស់មេជីវិតឈ្មោល ហើយក៏មិនងាយអាចបង្កកំណើតបានដែរ។ ខោខ្លីៗដែលមានខ្យល់អាកាសចេញចូលចិត្តអាចកាត់បន្ថយសីតុណ្ហភាពរបស់ពងស្វាស និងពង្រឹងដល់គុណភាពទឹកកាមផង។
ផ្នែកកណ្តាលនៃរាងកាយមិនមានខ្លាញ់
បើសិនជាអ្នកចង់ឲ្យក្បាលពោះរៀបស្មើ នោះមេជីវិតឈ្មោលនឹងស្ថិតក្នុងស្ថានភាពល្អ។ ត្រង់ចំណុចនេះ អ្នកមិនចាំបាច់ហាត់យកសាច់ដុំ ៦កង់ឡើយ គ្រាន់តែក្បាលពោះរៀបស្មើគឺបានហើយ។ ការសិក្សារកឃើញថា បុរសដែលមានចង្កេះកាន់តែធំ កំហាប់មេជីវិតឈ្មោលកាន់តែតិច។
និយាយមិនមានសម្លេកគ្រលខ្លាំង
ការដែលបុរសនិយាយបែកសម្លេង វាជាសញ្ញាបញ្ជាក់ថាជាមនុស្សប្រុសពេញវ័យ។ ប៉ុន្តែការសិក្សាបានរកឃើញថា បុរសដែលមានសម្លេងគ្រលខ្លាំង ទំនងជាមិនមានមេជីវិតឈ្មោលច្រើនឡើយ។ អ្នកជំនាញនិយាយថា បុរសដែលមានលក្ខណៈជាបុរសពេញលេញ គឺមានចំនួនអ័រម៉ូនតេស្តូស្តេរ៉ូនក្នុងខ្លួនច្រើន ដែលវាអាចជំរុញដល់ការផលិតមេជីវិតឈ្មោលកាន់តែច្រើន។
ហាត់ប្រាណដោយលើកទម្ងន់ទៀងទាត់
អ្នកស្រាវជ្រាវបាននិយាយថា បុរសដែលហាត់ប្រាណក្នុងក្លិបដោយការលើកទម្ងន់ចំនួន ១៥ម៉ោងឡើងទៅក្នុងមួយសប្តាហ៍ និងជាទៀងទាត់ គឺមានមេជីវិតឈ្មោលខ្ពស់ជាងអ្នកដែលមិនបានហាត់។ ការហាត់ប្រាណជាទៀងទាត់នឹងជួយពង្រឹងដល់ភាពរឹងមាំ និងសម្របសម្រួលដល់ចំនួនអង់ទីអុកស៊ីដង់ក្នុងរាងកាយ។ ដូច្នេះការហាត់ប្រាណបែបនេះរាល់ថ្ងៃជាប្រចាំ នឹងជួយថែរក្សាទឹកកាមឲ្យមានសុវត្ថិភាពពីរ៉ាឌីកាលសេរី៕