Join with Health.com.kh on Telegram

​ការ​រមួល​ពងស្វាស​កើតឡើង​ដោយសារតែ​បំពង់​បង្ហូរ​មេ​ជីវិត​ឈ្មោល​ចេញពី​ពងស្វាស​ចូល​លិង្គ​រមួល ដែល​នាំ​ឲ្យ​របត់​ឈាម​ទៅ​ពងស្វាស​ត្រូវបាន​កាត់ផ្តាច់​។ ការថយចុះ​លំហូរ​ឈាម​បែបនេះ​អាច​កើតឡើង​ភ្លាមៗ និង​បង្ក​ជា​ការឈឺចាប់ និង​ហើម​ខ្លាំងក្លា​។

​ការ​រមួល​ពងស្វាស​ភាគច្រើន​កើតឡើង​នៅលើ​មនុស្ស​អាយុ ១២ ទៅ​១៦​ឆ្នាំ ប៉ុន្តែ​វា​ក៏​អាច​កើតឡើង​លើ​មនុស្ស​គ្រប់​វ័យ ឬ​មុននឹង​កើត​ផងដែរ​។

ជំងឺរ​មួល​ពងស្វាស​ច្រើន​តែ​ត្រូវ​ការវះកាត់​ជាបន្ទាន់​។ បើសិនជា​ព្យាបាល​បាន​លឿន ពងស្វាស​ច្រើនតែ​អាច​សង្គ្រោះបាន​។ ប៉ុន្តែ​នៅពេល​លំហូរ​ឈាម​ត្រូវបាន​កាត់ផ្តាច់​យូរពេក ពងស្វាស​អាច​នឹង​ខូច និង​ត្រូវ​កាត់ចោល​បាន​។ យ៉ាងណាមិញ មាន​កត្តា​ប្រឈមមុខ ៣​យ៉ាង​ដែល​នាំ​ឲ្យ​បុរស​ងាយ​នឹង​កើត​ជំងឺរ​មួល​ពងស្វាស​៖

  1. ​អាយុ​៖ ការ​រមួល​ពងស្វាស​ច្រើន​តែ​កើតមាន​ជា​ញឹកញាប់​នៅ​ចន្លោះ​អាយុ ១២ ទៅ​១៦​ឆ្នាំ​។
  2. ​ធ្លាប់រ​មួល​ពងស្វាស​ពីមុន​៖ បើសិន​ជា​អ្នក​ធ្លាប់​ឈឺចាប់​នៅ​ពងស្វាស ហើយ​បាត់​ទៅ​វិញ​ដោយ​មិន​បាន​ព្យាបាល វា​ទំនងជា​អាច​កើតឡើង​ម្តងទៀត​បាន​។
  3. ​គ្រួសារ​ធ្លាប់មាន​បញ្ហារ​មួល​ពង​ស្វា​ស​៖ ជំងឺ​នេះ​អាច​កើតឡើង​ជា​លក្ខណៈ​ដំណរ​ពូជ​៕