បន្ទាប់ពីការពិនិត្យរបស់ អង្គការសុខភាពពិភពលោក (WHO) បានរកឃើញថា វ៉ាក់សាំងរបស់ Pfizer / BioNTech បានបំពេញតាមលក្ខណៈវិនិច្ឆ័យចាំបាច់ សម្រាប់អត្ថប្រយោជន៍សុវត្ថិភាព និងប្រសិទ្ធភាពខ្ពស់ជាងហានិភ័យរបស់វានោះ កាលពីថ្ងៃព្រហស្បតិ៍ម្សិលមិញ WHO បានចុះបញ្ជីវ៉ាក់សាំងកូវីដ-១៩ របស់ក្រុមហ៊ុន Pfizer និង BioNTech សម្រាប់ការប្រើប្រាស់បន្ទាន់ ក្នុងគោលបំណងឱ្យបណ្តាប្រទេសកំពុងអភិវឌ្ឍន៍មានសិទ្ធិទទួលបាន។
អង្គការសុខភាពពិភពលោក បានបង្កើតដំណើរការចុះបញ្ជីប្រើប្រាស់បន្ទាន់ របស់ខ្លួនដើម្បីជួយប្រទេសក្រីក្រដែលគ្មានធនធានបទប្បញ្ញត្តិផ្ទាល់ខ្លួនដើម្បីអនុម័តយ៉ាងឆាប់រហ័សនូវថ្នាំថ្មីសម្រាប់ជំងឺកូវីដ-១៩ បើមិនដូច្នេះទេអាចនាំឱ្យមានការពន្យារពេលយូរ។
ប្រធានកម្មវិធីសិទ្ធិទទួលថ្នាំបង្ការរបស់ WHO និយាយថា “នេះគឺជាជំហានវិជ្ជមានមួយឆ្ពោះទៅរកការធានាឱ្យសកលលោកអាចទទួលបានវ៉ាក់សាំងកូវីដ-១៩៕
