Join with Health.com.kh on Telegram

​វា​ពិបាក​ក្នុង​ការនិយាយ​នៅពេលនេះ​។ យោងទៅតាម​ទិនានុប្បវត្តិ​វិទ្យាសាស្ត្រ The Lancet បច្ចុប្បន្ន​យើង​មានតែ​ព័ត៌មាន​ពី​ការសាកល្បង​ដំណាក់កាល​ទី​១ និង​ទី​២ នៃ​CoronaVac​។​

​អ្នកនិពន្ធ​ម្នាក់ បាន​និយាយថា​លទ្ធផល​ទាំងនោះ ដែល​ផ្អែកលើ​អ្នកចូលរួម ១៤៤ នាក់​នៅក្នុង​ដំណាក់កាល​ទី​១ និង ៦០០​នាក់​នៅក្នុង​ដំណាក់កាល​ទី​២ មានន័យថា​វ៉ាក់សាំង​នេះ “​សមស្រប​សម្រាប់​ការប្រើប្រាស់​បន្ទាន់​” ។​

CoronaVac បាន​ឆ្លងកាត់​ការសាកល្បង​ដំណាក់កាល​ទី​បី​នៅក្នុង​ប្រទេស​ប្រេ​ស៊ី​ល​ឥណ្ឌូនេស៊ី​និង​តួ​ក​គី​។​

​កាលពីដើម​សប្តាហ៍​មុន​ទិន្នន័យ​បណ្តោះអាសន្ន​ពី​ការសាកល្បង​ដំណាក់កាល​ចុងក្រោយ​នៅ​ប្រទេស​ទួរគី​បាន​បង្ហាញថា​វ៉ាក់សាំង​មាន​ប្រសិទ្ធភាព ៩១,២៥% ។​

​ទោះយ៉ាងណា​អ្នកស្រាវជ្រាវ​នៅក្នុង​ប្រទេស​ប្រេ​ស៊ី​ល​បាន​និយាយថា​វ៉ាក់សាំង​នេះ​មាន​ប្រសិទ្ធភាព​ជាង ៥០% ប៉ុន្តែ​មិនបាន​ទទួលលទ្ធផល​ពេញលេញ​ទេ​ដោយ​ចោទ​ជា​សំណួរ​អំពី​តម្លាភាព​។​

​វ៉ាក់សាំង​នេះ​បានចាប់ផ្តើម​សាកល្បង​នៅ​ដំណាក់កាល​ចុងក្រោយ​នៅ​ប្រេ​ស៊ី​ល​ដែល​បាន​រាយការណ៍​អំពី​ចំនួន​អ្នកស្លាប់​ខ្ពស់បំផុត​ទី​២ នៅលើ​ពិភពលោក​កាលពីដើម​ខែតុលា​។
​ការសាកល្បង​ទាំងនេះ ត្រូវបាន​បញ្ឈប់​មួយរយៈ​ខ្លី​នៅក្នុង​ខែវិច្ឆិកា បន្ទាប់ពី​មាន​របាយការណ៍​ថា អ្នកស្ម័គ្រចិត្ត​បាន​ស្លាប់ ប៉ុន្តែ​ការស្លាប់​នេះ ត្រូវបាន​រកឃើញថា​មិនមាន​ទំនាក់ទំនង​ជាមួយ​វ៉ាក់សាំង​។​
SinoVac ត្រូវបាន​អនុម័ត​ឱ្យប្រើ​ប្រាស់​ជាបន្ទាន់​នៅក្នុង​ក្រុម ដែលមាន​ហានិភ័យ​ខ្ពស់​នៅក្នុង​ប្រទេស​ចិន ចាប់តាំងពី​ខែកក្កដា​។​

​នៅក្នុង​ខែកញ្ញា ការធ្វើ​តេស្ត​ត្រូវបានធ្វើ​ឡើងលើ​អ្នកស្ម័គ្រចិត្ត​ជាង ១០០០ នាក់​ដែល​ក្នុងនោះ​មាន​អ្នកខ្លះ​បង្ហាញថា​អស់កម្លាំង​តិចតួច ឬ​មិន​ស្រួល … មិន​លើសពី ៥% ។​

​សាស្ត្រាចារ្យ​ដដែល​បាន​និយាយ​នៅមុន​ដំណាក់កាល​ទី​៣ នៃ​លទ្ធផល​ថា វា​ពិបាក​ក្នុង​ការធ្វើ​អត្ថាធិប្បាយ​អំពី​ប្រសិទ្ធភាព​នៃ​វ៉ាក់សាំង​នៅពេលនោះ ដោយ​ការ​ផ្តល់ព័ត៌មាន មានកំណត់​។​

​លោក​បាន​មានប្រសាសន៍ថា “​ផ្អែកលើ​ទិន្នន័យបឋម​… CoronaVac ទំនងជា​វ៉ាក់សាំង​មាន​ប្រសិទ្ធិភាព ប៉ុន្តែ​យើង​ចាំបាច់​ត្រូវ​រង់ចាំ​លទ្ធផល នៃ​ការសាកល្បង​ដំណាក់កាល​ទី​៣” ។​

​នេះ​គឺជា​មធ្យោបាយ​តែមួយគត់ ដើម្បី​បង្ហាញថា​វ៉ាក់សាំង​មាន​សុវត្ថិភាព និង​មាន​ប្រសិទ្ធភាព​ក្នុងការ​ប្រើ​ក្នុង​កម្រិត​ប្រជាជន​៕​