​ខ្មែរ​យើង ជាពិសេស​ចាស់ៗ​តែងតែ​យល់ថា ពាក្យ​ថា​គ្រា​វ គឺជា​ការ​កាត់​អវៈយវៈ ដូចជា​ពងស្វាស ឬ​លិង្គ ដែល​ពាក្យ​នេះ​ច្រើនតែ​ប្រើ​លើ​សត្វ ព្រោះ​វា​ជាការ​កាត់​អវៈយវៈ​ភេទ​មែន​។ ប៉ុន្តែ​ចំពោះ​មនុស្ស​ប្រុស​វិញ គេ​អាច​ប្រើ​ពាក្យ​គ្រាវ​នេះ​ដូច​គ្នា តែ​មិនមែន​ជា​ការ​អវៈយវៈ​ភេទ​នោះទេ​។

​សម្រាប់​មនុស្ស​ប្រុស ការ​គ្រាវ ឬ​ហៅ​តាម​ពាក្យ​បច្ចេកទេស Vasectomy គឺជា​របៀប​ពន្យា​កំណើត​របស់​បុរស​មួយ​ប្រភេទ​ដែល តម្រូវ​ឲ្យ​កាត់តែ​បំពង់​បញ្ជូនមេ​ជីវិត​ឈ្មោ​លពី​ពងស្វាស​ទៅក្នុង​ទឹកកាម​ប៉ុណ្ណោះ​។ ដូច្នេះ​ទាំង​លិង្គ និង​ពងស្វាស​នៅតែ​ប្រើប្រាស់​បាន​ធម្មតា​ដដែល គ្រាន់តែ​មិន​អាច​ធ្វើ​ឲ្យ​ខាង​ស្រី​មាន​ផ្ទៃពោះ​បាន​។ ការ​គ្រាវ​នេះ​មាន​ផលប៉ះពាល់ ក៏ដូចជា​ផល​រំខាន​តិចតួច​ណាស់ ហើយ​ជាទូទៅ​គឺ​អាច​ធ្វើ​បាន​ដោយ​គ្រាន់តែ​ចាក់​ថ្នាំ​សណ្តំ​នៅនឹងកន្លែង ហើយ​អ្នកជំងឺ​អាច​ទៅ​ផ្ទះ​វិញ​បាន​នៅ​ថ្ងៃ​តែមួយ​។

មុន​ពេល​គ្រាវ អ្នកជំងឺ​ត្រូវតែ​ប្រាកដ​ចិត្ត​ថា លែង​ចង់​ធ្វើ​ជា​ឪពុក​គេ​ទៀត​ហើយ ឬ​លែង​ចង់​ឲ្យ​ប្រពន្ធ​មាន​ផ្ទៃពោះ​ទៀតហើយ​នៅ​ថ្ងៃ​អ​នា​គត់ ព្រោះថា ការ​គ្រាវ​នេះ បើ​ធ្វើ​ហើយ​គឺជា​ការពន្យា​កំណើត​មួយជីវិត​ហើយ​។ ការ​គ្រាវ​នេះ​មិន​អាច​ផ្តល់​នូវ​ការបង្ការ​ជំងឺ​កាមរោគ​បានទេ​។​