ភាគច្រើននៃពួកយើងតែងប្រើប្រាស់ផលិតផលលាបក្លៀកបំបាត់ក្លិនមិនល្អ និងការបែកញើសជាប្រចាំ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែតើអ្នកធ្លាប់ចាប់អារម្មណ៍ទេថាផលិតផលទាំងនោះមានផ្ទុកសម្បូរទៅដោយសារធាតុគីមី? ប្រសិនបើអ្នកចង់ផ្ដល់ការមើលថែយកចិត្តទុកដាក់កម្ចាត់រាល់សារធាតុគីមីពីក្លៀកដែលបង្កបញ្ហាស្ទះរន្ធញើសនិងបែកញើសខ្លាំង ចូរសាកល្បងគន្លឹះងាយៗខាងក្រោមដែលវេបសាយសុខភាព Health.com.kh បង្ហាញជូន ៖
១. ទឹកក្រូចឆ្មារស្រស់
អ្វីដែលអ្នកត្រូវធ្វើ គឺគ្រាន់តែលាយទឹកក្រូចឆ្មារស្រស់ ១ ផ្លែជាមួយទឹកធម្មតាបន្តិច រួចសឹមលាបក្លៀក។ រងចាំសម្រាប់រយៈពេល ២០ នាទី សឹមលាងសម្អាតចេញ។ ក្រូចឆ្មារមានផ្ទុកអាស៊ីត citric ដែលអាចកម្ចាត់ការលូតលាស់នៃបាក់តេរី ដូច្នេះក្លៀករបស់អ្នកនឹងត្រូវបានសម្អាត។ រូបមន្តនេះក៏ជួយបំបាត់ក្លិនក្លៀកមិនល្អផងដែរ។
២. ទឹក
ប្រសិនបើអ្នកចង់ចាប់ផ្ដើមកម្ចាត់សារធាតុគីមីពីក្លៀក អ្នកគួរព្យាយាមបង្កើនការទទួលទានទឹកឱ្យបានច្រើនគ្រប់គ្រាន់ផងដែរ។ ទឹកជួយកម្ចាត់រាល់ជាតិពុលពីក្នុងរាងកាយរួមទាំងតំបន់ក្លៀកដែលជួយឱ្យស្បែកស្រស់ថ្លាបរិសុទ្ធចៀសផុតពីភាពកខ្វក់ផ្សេងៗដូចជាធូលី សារធាតុគីមី និងសូម្បីតែបាក់តេរី។ នៅពេលអ្នករក្សាបាននូវជាតិទឹកគ្រប់គ្រាន់ក្នុងរាងកាយ នោះមេរោគបាក់តេរីមិនងាយនឹងកើតមានក្នុងរាងកាយព្រមទាំងតំបន់ក្លៀកឡើយ។
៣. ម្សៅ Baking soda
អ្វីដែលអ្នកត្រូវធ្វើ គឺគ្រាន់តែលាយម្សៅ Baking soda ១ ស្លាបព្រាកាហ្វេក្នុងទឹកធម្មតាបន្តិចឱ្យក្លាយជាល្បាយខាប់ៗ។ លាបល្បាយត្រង់ក្លៀក និងរងចាំសម្រាប់រយៈពេល ២០ នាទី សឹមលាងសម្អាតចេញជាមួយទឹកក្ដៅឧណ្ហៗ ឬងូតទឹកលាងសម្អាតក្លៀក ក៏ដូចជារាងកាយទាំងមូលតែម្ដង៕